Суперлига. “Насаф” ўз уйида “Навбаҳор”ни мағлуб этолмади, “Нефтчи” ва “Сурхон” ўйинида ҳам ғолиб аниқланмади

Футбол бўйича Ўзбекистон Суперлигасининг 9-туридан ўрин олган икки ўйин 7 май, якшанба куни бўлиб ўтди.

“Насаф” ўз уйида “Навбаҳор”га қарши баҳс олиб борди. Учрашувда ҳар икки жамоа вакиллари голга тортадиган бир нечта вазият бўлди, бироқ ҳисоб ўйин тугагунча ўзгаришсиз қолди.

“Насаф” 15 очко билан 5-ўринни банд этиб турибди, “Навбаҳор” эса 16 очко билан иккинчи поғонани банд этган. Самвел Бабаян шогирдлари пешқадам “Пахтакор”дан 2 очко ортда қолмоқда.

Яна бир баҳс “Сурхон” ва “Нефтчи” жамоалари ўртасида кечди. Учрашувнинг 7-дақиқасида Тома Табатадзе фарғоналикларни олдинга олиб чиққан бўлса, Термиз жамоаси бўлим сўнгида мувозанатни тиклади.

53-дақиқада Табатадзе яна “Нефтчи”нинг голига муаллиф бўлди. 78-дақиқада Сильванус Нимели ҳисобни тенглаштирди.

“Нефтчи” 16 очко эвазига 3-поғонани сақлаб турибди. 6-ўриндаги “Сурхон” ҳисобида эса 12 очко бор.

Суперлига

9-тур баҳслари

7 май, якшанба

“Насаф” – “Навбаҳор” 0:0

“Насаф”: 35. Абдувоҳид Неъматов, 2. Алибек Давронов, 4. Ҳусниддин Алиқулов, 5. Ғолиб Ғайбуллаев, 7. Акмал Мозговой (18. Баҳром Абдураҳимов, 68), 9. Жавоҳир Сиддиқов (99. Азиз Омонов, 84), 15. Жўрабек Маннонов (28. Шуҳрат Муҳаммадиев, 84), 19. Матеус Лима Круз, 34. Шерзод Насруллаев, 77. Ойбек Бозоров, 92. Умарбек Эшмуродов.

“Навбаҳор”: 1. Ўткир Юсупов, 6. Иброҳим Йўлдошев, 7. Остон Ўрунов, 10. Жамшид Искандаров, 17. Аброр Исмоилов, 21. Темурхўжа Абдухолиқов (11. Шоҳруз Норхонов, 72), 22. Игор Голбан, 23. Йован Жокич, 27. Шаҳбоз Жўрабеков, 31. Лука Чермел, 77. Асад Собиржонов (8. Жасур Яхшибоев, 58).

Огоҳлантириш: Жокич (39).

“Сурхон” – “Нефтчи” 2:2

Голлар: 0:1 – 7 Табатадзе, 1:1 – 45+2 Жумаев, 1:2 – 53, пенальти Табатадзе, 2:2 – 78 Нимели.

“Сурхон”: 1. Артём Потапов, 2. Бобур Асқаров, 3. Суннатуллоҳ Ҳамиджонов, 7. Достон Турсунов, 8. Ҳумоюн Шербўтаев, 10. Тамирлан Жамалутдинов (17. Жаҳонгир Абдусаломов, 58) (5. Азиз Пирмуҳаммадов, 84) 18. Сильванус Нимели, 19. Нуриддин Ҳасанов (15. Диёр Рамозонов, 84), 27. Асилбек Жумаев, 55. Шохжаҳон Султонмуродов, 66. Бехруз Шайдулов.

“Нефтчи”: 45. Акбар Тўраев, 2. Зоир Жўрабоев, 7. Умар Адҳамзода (70. Аббос Ғуломов, 62) 8. Нурилло Тўхтасинов (13. Лутфулла Тўраев, 74), 9. Улуғбек Ҳошимов (11. Иззатилла Абдуллаев, 62), 19. Мирзоҳид Ғофуров, 21. Муҳсин Убайдуллаев, 22. Тома Табатадзе (5. Юри Батюшин,  88), 23. Диёр Туропов (28. Фозил Мусаев, 88), 24. Ғулом-Ҳайдар Ғуломов, 26. Олексей Ларин.

Огоҳлантириш: Асқаров (35).