“Urava Red Daymonds” 3 karra OCHL sohibiga aylandi

Futbol bo‘yicha Osiyo Chempionlar Ligasi finalida “Urava Red Daymonds” klubi 6-may, shanba kuni “Al-Hilol” jamoasiga qarshi bahs olib bordi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘lim boshida esa yaponiyaliklar hisobni ochdi. 49-daqiqada “Al-Hilol” futbolchi Andre Karrilyo o‘z darvozasini ishg‘ol qilib qo‘ydi. O‘yin 1:0 hisobi bilan yakunlandi. Qayd etib o‘tish joiz, jamoalar o‘rtasidagi birinchi qarama-qarshilikda 1:1 hisobi qayd etilgan edi.

Shu tariqa “Urava Red Daymonds” Osiyo Chempionlar Ligasi g‘olibiga aylandi.

OChL

Final

6-may, shanba

“Urava Red Daymonds” — “Al-Hilol” 1:0

Gol: 1:0 — 49 Karrilyo (avtogol).

“Urava Red Daymonds”: Nishikava, Sakai, Shols, Hyoybraten, Akimoto, Ivao, Ito (Shibato, 86), Okubo, Koizumi (Yasui, 72), Sekine (Ogivara, 86), Koroki (Kante, 72)

“Al-Hilol”: Al Mayuf, Abdulhamid, Al Bulayhi, Al Burayk (Al Yami, 80), Kanno (Al Juvayr, 88), Otayf (Al Dovsari, 68), Karrilyo, Mikael, Al Hamdan (Al Shehri, 68), Igalo.

Ogohlantirishlar: Okubo (36), Al Bulayhi (88).