Kinosanoatda ko‘plab yaxshi filmlar va aktyorlar bor. Ammo shunday aktyorlar borki, ma’lum rollar uchun tug‘ilganga o‘xshaydi.
Keti Beyts — Enni Uilks “Arzimaslar”
Keti Beyts deganda, ehtimol yodingizga keladigan birinchi rol bu “Arzimaslar” filmidagi Enni Uilksning aqldan ozgan muxlisidir. Hammaning qalbida bu qahramon deyarli sof yovuzlikning timsoliga aylandi. Buni nafaqat tomoshabinlar, balki Beytsni “Oskar” statuetkasi bilan taqdirlagan Amerika kino akademiyasi ham qayd etdi.
Kristof Vals — Gans Landa, “Manfur kimsalar”
Vals Tarantino bilan hamkorligidan oldin ham havas qilarli darajadagi karyeraga ega edi — “Manfur kimsalar” filmidagi roli esa yana bir yutuq bo‘ldi. Ko‘plab tomoshabinlar yangi iste’dodli aktyorni kashf qilishdi.
Vals mazkur filmda epizodik rol o‘ynagan bo‘lsa-da, tomoshabinlarning butun diqqatini o‘ziga qaratdi. Uning iste’dodi “Oskar” bilan taqdirlangan.
Devid Sushe — Erkyul Puaro, “Agata Kristi Puaro”
Ehtimol, Erkyul Puaro ismini eshitsangiz, darhol o‘tkir mo‘ylovli shlyapa kiygan qisqa bo‘yli belgiyalik surati paydo bo‘ladi va ko‘z o‘ngingizda Devid Sushening qiyofasi keladi. Ko‘plab iste'dodli aktyorlar taniqli detektiv rolini sinab ko‘rishadi, ammo Sushening xarakteri eng mashhur va tom ma'noda afsonaviydir.
Xyu Lori — Gregori Haus, “Doktor Haus”
“Doktor Haus” 10 yildan ko‘proq vaqt oldin tugaganiga qaramay, Xyu Lori o‘ynagan Gregori Haus hali ham ko‘plab tomoshabinlar tomonidan asosiy televideniye shifokori sifatida qabul qilinadi. Lori qahramoni noaniq his-tuyg‘ularni uyg‘otadi: bir tomondan, uning atrofdagi hammaga nisbatan qo‘polligi va beparvo munosabati ko‘pchilikka yoqmasa, ikkinchi tomondan, uning aql-zakovati hayratga sabab bo‘ladi, o‘tkir hazillari esa yuzingizda tabassum uyg‘otadi.
Kichik Robert Dauni — Toni Stark, “Temir odam”
“Temir odam” filmidan keyin zamonaviy Marvel olami boshlandi, bugungi kunda uning millionlab muxlislari bor. Ko‘p jihatdan, bunday ajoyib muvaffaqiyat o‘z rolini mohirlik bilan ijro etgan kichik Robert Dauni filmidagi ishtiroki bilan bog‘liq. Aktyor Toni Stark obraziga shunchalik mos tushdiki, deyarli u bilan birlashib ketdi.
Alan Rikman — Severus Sneyp, “Garri Potter”
Aslida Alan Rikman kitob qahramoni Severus Sneypdan ancha katta. Bundan tashqari, aktyor qahramoniga hamdardlikni uyg‘otadigan ta'sirchan joziba qo‘shadi, buni kitoblardagi afsungarlar professori haqida aytib bo‘lmaydi. Biroq original obrazdan voz kechish Alanga millionlab tomoshabinlarning qalbini zabt etishiga to‘sqinlik qilmadi.
Kristian Beyl — Patrik Beytman, “Amerikalik telba”
Kitob asosida ajoyib film yaratish oson ish emas. Bosh qahramon obrazini buzib qo‘yish va originalidan farq qilish xavfi mavjud. Biroq Kristian Beyl Patrik Beytman obraziga shunchalik moslashadiki, tom ma’noda unga aylanadi.
Ko‘pgina tomoshabinlar uchun bu roldagi aktyor xudbinlik, befarqlik va sovuqqonli jinnilikning timsoliga aylandi. Va ko‘plab mukofotlar Beyl o‘z ishini 100 foiz bajarganini tasdiqlaydi.
Imelda Staunton — Dolores Ambrij, “Garri Potter”
Tashqi ko‘rinishida maftunkor ayol aslida yolg‘onchi manipulyator bo‘lib, har bir kadrda o‘z kuchidan zavqlanadi. Tomoshabinda norozilikni uyg‘otish oson ish emas. Biroq Imelda Staunton mazkur qahramoni yordamida buni uddaladi.
Rozamund Payk — Emi Dann, “Yo‘qolgan ayol”
Asarni ekranlashtirish qanday ajoyib bo‘lishi mumkinligiga yana bir misol. Payk ushbu qahramoni orqali har bir mayda detalda shafqatsiz va mag‘rur xudbinlik yashiringan ayol va namunali rafiqa qiyofasini qayta tiklashga muvaffaq bo‘ldi.
Izoh (0)