А Серия. “Специя” 5 та гол урилган ўйинда мағлубиятга учради, Элдор Шомуродовда ассист, “Ювентус” ўз майдонида зафар қучди 

Футбол бўйича Италия А Сериясининг 33-туридан ўрин олган қатор учрашувлар 3 май, чоршанба куни ўтказилди.

Ўзбекистонлик ҳужумчи Элдор Шомуродов тўп сурадиган “Специя” клуби сафарда “Аталанта” меҳмони бўлди. Элдор учрашувни асосий таркибда бошлади. Ўйиннинг 18-дақиқасида Эммануэл Жаси ҳисобни очди. 32-дақиқада эса Мартин де Рон мувозанатни тиклади. Жамоалар танаффусга 1:1 ҳисоби билан чиқиб кетди.

Иккинчи бўлимни эса “Аталанта” гол билан бошлади. 48-дақиқада Давиде Заппакоста бергамоликларни ҳисобда олдинга олиб чиқди. 54-дақиқада эса Луис Муриэль мезбонларнинг учинчи голига муаллифлик қилди. 64-дақиқада Элдор Шомуродов оширган тўпни Меҳди Бурабия дарвозага жойлаб, ҳисобни қисқартирди. Қолган дақиқаларда дарвозалар ишғол этилмади ва якунда “Аталанта” ғалаба қозонди. 

“Специя”да очколар сони 27 та ва жамоа хавфли ҳудуд бўлмиш 18-поғонадан жой олган.

“Ювентус” эса “Лечче”га қарши баҳс олиб борди. Учрашувдаги барча голлар биринчи бўлимда урилди. Туринликлар сафида Леандро Паредес ва Душан Влаҳович гол урган бўлса, меҳмонлар таркибида Ассан Сисей битта голни ўз ҳисобига ёздириб қўйди. 

Туринликлар ушбу ғалабадан сўнг очколари сонини 63 тагай етказиб, 2-ўринга кўтарилиб олди. 

А Серия

33-тур баҳслари

3 май, чоршанба

“Аталанта” – “Специя” 3:2

Голлар: 0:1 – 18 Жаси, 1:1 – 32 де Рон, 2:1 – 48 Заппакоста, 3:1 – 54 Муриэль, 3:2 – 64 Бурабия.

“Аталанта”: Муссо, Заппакоста, Толои, Жимшити, Скалвини (Паломино, 67; Демирал, 83), Меле (Соппи, 90), де Рон, Пашалич (Эдерсон, 67), Копмейнерс, Сапата, Муриэль (Бога, 67).

“Специя”: Дронговски, Амян (Феррер, 66), Николау, Висневски, Реса, Ампаду (Экдал, 57), Бастони (Эспозито, 57), Бурабия (Верде, 83), Агудело (Кроллис, 83), Жаси, Шомуродов.

Огоҳлантиришлар: Ампаду (38), Бастони (40), Агудело (75).

“Ювентус” – “Лечче” 2:1

Голлар: 1:0 – 15 Паредес, 1:1 – 37 Сисей (пенальти), 2:1 – 40 Влаҳович.

“Ювентус”: Шенсни, Де Шильо (Куадрадо, 33), Бонуччи, Данило, Бремер (Гатти, 87), Костич, Ди Мария (Кьеза, 73), Паредес (Локателли, 87), Фажоли, Миретти (Погба, 73), Влаҳович.

“Лечче”: Фальконе, Баскиротто, Романьоли, Умтити, Песселла (Чеккарони, 71), Мале (Блен, 60), Юлманд (Волкерлинг, 89), Гонсалес (Ди Франческо, 60), Банда, Уден, Сисей (Коломбо, 89).

Огоҳлантиришлар: Умтити (48), Паредес (55), Песселла (61), Бремер (76).