Andijon viloyati Asaka tumanida fuqaro turmush o‘rtog‘i va IIB xodimlarining tuhmati bilan asossiz qamalgani haqida xabarlar tarqaldi. Viloyat Prokuraturasi holat yuzasidan munosabat bildirdi.
Xabarga ko‘ra, fuqaro A.O. shar’iy nikohidagi R.X. bilan 2014-yilda o‘zaro kelishmovchiliklar tufayli ajrashgan. Shundan so‘ng R.X.ni yashab kelgan ukasining nomidagi uydan chiqarib yuborgan. Biroq FIB Asaka tumanlararo sudining 17.05.2022-yilgi hal qiluv qarori bilan fuqaro R.X. ushbu xonadonga majburiy tartibda kiritib qo‘yilgan.
Shuningdek, fuqaro A.O. hech bir sababsiz fuqaro R.X.ni so‘kkani holati bo‘yicha avval tuman IIB xodimlari tomonidan Maʼmuriy javobgarlik to‘g‘risidagi kodeksning 183-moddasi bilan rasmiylashtirilgan hujjatlar asosida JIB Asaka tuman sudining 2022-yil 24-yanvardagi qarori bilan 5 sutkaga, so‘ngra shu kabi sodir etgan huquqbuzarligi uchun ushbu sudning 2022-yil 11-apreldagi qarori bilan 15 sutkaga maʼmuriy qamoqqa olingan.
Qayd etilishicha, xabardagi IIB xodimlarining qonunga xilof xatti-harakatlari yuzasidan viloyat IIB tomonidan xizmat tekshiruvi o‘tkazilib, tuman IIB xodimi M.M.ga nisbatan qattiq hayfsan intizomiy jazosi qo‘llanilgan.
Izoh (1)
Qanaqasiga kesiladi sud hali yakulanmadiku nimaga fake xabar bosyapsan senlarni ham ustingdan tegishli organga yozaman