Ba’zida taniqli rejissorlar yulduzlarni asosiy rollarga taklif qilishadi, lekin ular rad etishadi. Yoki san’atkorlar bir rol kastingidan o‘tadi, ammo boshqa rolga ega bo‘lishadi. Ko‘pchilik kino ixlosmandlari film boshqa aktyorlar ishtirokida bo‘lganda, qanday ko‘rinishga ega bo‘lardi, degan savol tug‘iladi.
Jeyms Franko O‘rgimchak odamni o‘ynashni xohlaydi, lekin Garri Osborn rolini oladi
O‘ynagan: Tobi Maguayr
Superqahramonlar haqidagi filmlarda ko‘pincha qahramon roli uchun imtihondan o‘tgan aktyorga yovuz odam roli beriladi: Tom Xidlston Tor roli uchun imtihondan o‘tadi, lekin Loki bo‘ladi, Xit Lejer Bryus Ueyn roli uchun ko‘rib chiqiladi, oxir-oqibat Jokerga aylanadi. Xuddi shunday taqdir Piter Parker roli uchun sinovdan o‘tgan va uning o‘rniga Garri Osborn rolini o‘ynash taklifini olgan Jeyms Frankoda ham qaytalandi.
Keyt Uinslet “Oshiq Shekspir” filmida suratga tushishdan bosh tortadi
O‘ynagan: Gvinet Peltrou
“Titanik” muvaffaqiyatidan so‘ng Keyt Uinsletga filmlarda rol o‘ynash uchun ko‘plab takliflar tusha boshlaydi. Xususan, unga birinchi bo‘lib “Oshiq Shekspir” filmidagi Viola rolini taklif qilishadi. Biroq aktrisa buni rad etadi, chunki u diqqatini mustaqil filmlarda ishtirok etishga qaratmoqchi edi. Oxir-oqibat rol Gvinet Peltrouga nasib etadi va orzu qilgan “Oskar” haykalchasini oladi.
Killian Merfi Kristofer Nolanning “Qora ritsar” filmida deyarli Betmenga aylanadi
O‘ynagan: Kristian Beyl
Intervyularidan birida Killian Merfi bosh rol uchun kastingdan deyarli o‘tganini aytadi, biroq u Kristian Beylni yenga olmaydi. Shunga qaramay, Nolan Merfining iste'dodini e’tiborsiz qoldirmaydi va uni trilogiyaning asosiy antagonistlaridan biri — Pugalo rolni o‘ynashga taklif qiladi.
Nikol Kidman Xyu Grant bilan “Notting-Xill”da suratga tushishni orzu qilgan
O‘ynagan: Juliya Roberts
Nikol Kidman “Notting Hill” romantik komediyasida bosh rolni Xyu Grant bilan tandemda o‘ynashni orzu qilganini tan oladi. “Men bu rolni ijro etishni juda xohlardim. Ammo o‘sha paytda unchalik tanilmagan va yetarlicha iste’dodli emasdim”, — deydi Kidman.
Meril Strip “Shirin orzular”da kantri-qo‘shiqchi rolini o‘ynashni xohlagan
O‘ynagan: Jessika Leng
21 marta “Oskar”ga nomzod bo‘lgan Meril Strip hamon ba’zi filmlarni o‘tkazib yuborgan deb o‘ylaydi. U rejissor Karel Reyshaning kantri-xonanda Patsi Klayn haqidagi “Shirin orzular” filmida bosh rolni o‘ynamoqchi edi. Aktrisa vokalchining muxlisi va Karelning qadrdon do‘sti edi. Biroq rejissor Jessika Lengni eng yaxshi nomzod sifatida tanlaydi. Bu roli uchun Jessika “Oskar”ga nomzod bo‘lgan.
Jonni Depp bandligi tufayli “Ferris Byuller ta’til oladi”da o‘ynay olmaydi
O‘ynagan: Metyu Broderik
Ko‘p yillar o‘tib ham, aktyor Metyu Broderik ko‘plab tomoshabinlar tomonidan Ferris Byuller bilan assotsiatsiya qilinadi. Ammo dastlab ushbu filmda suratga tushish taklif qilingan Deppning o‘sha paytda vaqti bo‘lganida hammasi boshqacha bo‘lishi mumkin edi. Ammo Deppning o‘zi hamkasbi a’lo darajada ishlaganini ta’kidlaydi.
Chedvik Bouzmen “Galaktika qo‘riqchilari” filmidagi Draks roli uchun kastingdan o‘tadi, ammo uning o‘rniga Qora pantera rolini oladi
O‘ynagan: Deyv Batista
Hayot qonunlaridan biri shunday deydi: oldimizda bir eshik yopilsa, boshqasi ochiladi. Chedvik Bouzmen bilan ham shunday bo‘ladi. Marvel Studios kasting direktori Sara Finn “Qora pantera” filmida bosh rolni o‘ynash vaqti kelganida uni chaqirishini aytadi.
Merilin Monro “Tiffanidagi nonushta” filmidagi roldan voz kechadi
O‘ynagan: Odri Xepbern
Sujet muallifi Trumen Kapot Merilin Monroni Xolli Golaytli roliga nomzod deb hisoblagan. Shunga qaramay, Monro “Tiffanidagi nonushta”da o‘ynashdan bosh tortadi. Gap shundaki, dramaturgiya murabbiyi Li Strasberg bunday turmush tarzini olib boradigan qiz roli aktrisaning imijiga salbiy ta'sir ko‘rsatishi mumkin deb hisoblagan. Film oxir-oqibat katta muvaffaqiyatga erishadi. Odri Xepbern Monroning o‘rnini egallaydi va “Oltin globus”, “Eng yaxshi aktrisa” nominatsiyasida “Oskar” nominatsiyalarini oladi, uning obrazi afsonaga aylanadi.
Riz Uizerspun “Qichqiriq” filmida Sidni Preskott rolini o‘ynashni xohlamaydi
O‘ynagan: Niv Kempbell
Hech kim “Qichqiriq” bu qadar afsonaga aylanishini tasavvur ham qila olmasdi. Film Sidni Preskott qahramoniga qaratilgan qo‘rqinchli seriyaning birinchi qismi edi. Agar Riz Uizerspun filmning shu qadar mashhur bo‘lishini bilganida edi, bosh roldan voz kechmagan bo‘lardi — aktrisa qo‘rqinchli filmda o‘ynashni xohlamaydi. Niv Kempbell esa bosh rolni o‘ynaydi va mashhur bo‘ladi.
Bred Pitt ijodiy tafovutlar tufayli “Deyarli mashhur” rolidan voz kechadi
O‘ynagan: Billi Krudap
“Deyarli mashhur” filmi rejissori va ssenariy muallifi Kemeron Krouning so‘zlariga ko‘ra, rok yulduzi Rassell Hammond roli dastlab Bred Pitt uchun yozilgan. Aktyor dastlab suratga olishga qiziqqan va hattoki bir nechta repetitsiyalarda qatnashgan, biroq keyinchalik ijodiy kelishmovchiliklar tufayli loyihani tark etishga majbur bo‘lgan. Rol oxir-oqibat Billi Krudapga nasib qiladi
Izoh (0)