Баъзида таниқли режиссёрлар юлдузларни асосий ролларга таклиф қилишади, лекин улар рад этишади. Ёки санъаткорлар бир рол кастингидан ўтади, аммо бошқа ролга эга бўлишади. Кўпчилик кино ихлосмандлари фильм бошқа актёрлар иштирокида бўлганда, қандай кўринишга эга бўларди, деган савол туғилади.
Жеймс Франко Ўргимчак одамни ўйнашни хоҳлайди, лекин Гарри Осборн ролини олади
Ўйнаган: Тоби Магуайр
Суперқаҳрамонлар ҳақидаги фильмларда кўпинча қаҳрамон роли учун имтиҳондан ўтган актёрга ёвуз одам роли берилади: Том Хидлстон Тор роли учун имтиҳондан ўтади, лекин Локи бўлади, Хит Лежер Брюс Уэйн роли учун кўриб чиқилади, охир-оқибат Jokerга айланади. Худди шундай тақдир Питер Паркер роли учун синовдан ўтган ва унинг ўрнига Гарри Осборн ролини ўйнаш таклифини олган Жеймс Франкода ҳам қайталанди.
Кейт Уинслет “Ошиқ Шекспир” фильмида суратга тушишдан бош тортади
Ўйнаган: Гвинет Пелтроу
“Титаник” муваффақиятидан сўнг Кейт Уинслетга фильмларда рол ўйнаш учун кўплаб таклифлар туша бошлайди. Хусусан, унга биринчи бўлиб “Ошиқ Шекспир” фильмидаги Виола ролини таклиф қилишади. Бироқ актриса буни рад этади, чунки у диққатини мустақил фильмларда иштирок этишга қаратмоқчи эди. Охир-оқибат рол Гвинет Пелтроуга насиб этади ва орзу қилган “Оскар” ҳайкалчасини олади.
Киллиан Мерфи Кристофер Ноланнинг “Қора рицар” фильмида деярли Бетменга айланади
Ўйнаган: Кристиан Бэйл
Интервьюларидан бирида Киллиан Мерфи бош рол учун кастингдан деярли ўтганини айтади, бироқ у Кристиан Бэйлни енга олмайди. Шунга қарамай, Нолан Мерфининг истеъдодини эътиборсиз қолдирмайди ва уни трилогиянинг асосий антагонистларидан бири — Пугало ролни ўйнашга таклиф қилади.
Николь Кидман Хью Грант билан “Ноттинг-Хилл”да суратга тушишни орзу қилган
Ўйнаган: Жулия Робертс
Николь Кидман “Ноттинг Хилл” романтик комедиясида бош ролни Хью Грант билан тандемда ўйнашни орзу қилганини тан олади. “Мен бу ролни ижро этишни жуда хоҳлардим. Аммо ўша пайтда унчалик танилмаган ва етарлича истеъдодли эмасдим”, — дейди Кидман.
Мерил Стрип “Ширин орзулар”да кантри-қўшиқчи ролини ўйнашни хоҳлаган
Ўйнаган: Жессика Ленг
21 марта “Оскар”га номзод бўлган Мерил Стрип ҳамон баъзи фильмларни ўтказиб юборган деб ўйлайди. У режиссёр Карел Рейшанинг кантри-хонанда Паци Клайн ҳақидаги “Ширин орзулар” фильмида бош ролни ўйнамоқчи эди. Актриса вокалчининг мухлиси ва Карелнинг қадрдон дўсти эди. Бироқ режиссёр Жессика Ленгни энг яхши номзод сифатида танлайди. Бу роли учун Жессика “Оскар”га номзод бўлган.
Жонни Депп бандлиги туфайли “Феррис Бюллер таътил олади”да ўйнай олмайди
Ўйнаган: Метю Бродерик
Кўп йиллар ўтиб ҳам, актёр Метю Бродерик кўплаб томошабинлар томонидан Феррис Бюллер билан ассоциация қилинади. Аммо дастлаб ушбу фильмда суратга тушиш таклиф қилинган Деппнинг ўша пайтда вақти бўлганида ҳаммаси бошқача бўлиши мумкин эди. Аммо Деппнинг ўзи ҳамкасби аъло даражада ишлаганини таъкидлайди.
Чедвик Боузмен “Галактика қўриқчилари” фильмидаги Дракс роли учун кастингдан ўтади, аммо унинг ўрнига Қора пантера ролини олади
Ўйнаган: Дейв Батиста
Ҳаёт қонунларидан бири шундай дейди: олдимизда бир эшик ёпилса, бошқаси очилади. Чедвик Боузмен билан ҳам шундай бўлади. Marvel Studios кастинг директори Сара Финн “Қора пантера” фильмида бош ролни ўйнаш вақти келганида уни чақиришини айтади.
Мерилин Монро “Тиффанидаги нонушта” фильмидаги ролдан воз кечади
Ўйнаган: Одри Хепберн
Сюжет муаллифи Трумен Капот Мерилин Монрони Холли Голайтли ролига номзод деб ҳисоблаган. Шунга қарамай, Монро “Тиффанидаги нонушта”да ўйнашдан бош тортади. Гап шундаки, драматургия мураббийи Ли Страсберг бундай турмуш тарзини олиб борадиган қиз роли актрисанинг имижига салбий таъсир кўрсатиши мумкин деб ҳисоблаган. Фильм охир-оқибат катта муваффақиятга эришади. Одри Хепберн Монронинг ўрнини эгаллайди ва “Олтин глобус”, “Энг яхши актриса” номинациясида “Оскар” номинацияларини олади, унинг образи афсонага айланади.
Риз Уизерспун “Қичқириқ” фильмида Сидни Прескотт ролини ўйнашни хоҳламайди
Ўйнаган: Нив Кемпбелл
Ҳеч ким “Қичқириқ” бу қадар афсонага айланишини тасаввур ҳам қила олмасди. Фильм Сидни Прескотт қаҳрамонига қаратилган қўрқинчли сериянинг биринчи қисми эди. Агар Риз Уизерспун фильмнинг шу қадар машҳур бўлишини билганида эди, бош ролдан воз кечмаган бўларди — актриса қўрқинчли фильмда ўйнашни хоҳламайди. Нив Кемпбелл эса бош ролни ўйнайди ва машҳур бўлади.
Бред Питт ижодий тафовутлар туфайли “Деярли машҳур” ролидан воз кечади
Ўйнаган: Билли Крудап
“Деярли машҳур” фильми режиссёри ва сценарий муаллифи Кемерон Кроунинг сўзларига кўра, рок юлдузи Расселл Ҳаммонд роли дастлаб Бред Питт учун ёзилган. Актёр дастлаб суратга олишга қизиққан ва ҳаттоки бир нечта репетицияларда қатнашган, бироқ кейинчалик ижодий келишмовчиликлар туфайли лойиҳани тарк этишга мажбур бўлган. Рол охир-оқибат Билли Крудапга насиб қилади
Изоҳ (0)