Film yaratib, uni tomoshabinlarga taqdim etish uchun uzoq vaqt, mehnat sarflanadi. Ba’zi bir kinokartinalar yillab suratga olinadi, ba’zilari qisqa muddatda suratga olinsa-da, muvaffaqiyatli loyihaga aylanadi.
“Rokki”
“Rokki” ko‘pchilik hali ham tomosha qilishni yoqtiradigan eng mashhur sport dramasi hisoblanadi. Film markazida yosh bokschi Rokki Balboa turadi. Uning hayoti zerikarli bo‘ladi. Biroq qahramon ringga chiqish va chempion Apollon Krid bilan jang qilish taklifini olganida, hamma narsa o‘zgaradi.
Kinofilm Silvestr Stallonega katta shuhrat keltirdi, kasting paytida uning cho‘ntagida atigi 100 dollar bor edi. Filmda aktyorning qarindoshlari ham rol o‘ynashga muvaffaq bo‘ldi: epizodik sahnalarda uning ukasi va otasi ishtirok etgan.
Loyiha kuchli g‘oyaga ega ssenariy asosida 28 kun ichida 1 million dollarlik budjetda suratga olindi – film kassada 200 000 000 dollardan ortiq daromad keltirgan.
“Xellouin”
Rejissor Jon Karpenterga prodyuser Irvin Jablans psixopatik qotil haqida film suratga olish uchun murojaat qilganida, u rozilik bergan. Biroq ish tugagandan so‘ng, Karpenter film kassada 60 million dollar yig‘gan bo‘lishiga qaramay, unga atigi 10 000 dollar to‘ladi. Ko‘pchilik uchun bu haq miqdori hayratlanarli, chunki Jon ham yozuvchi, ham rejissor bo‘lgan, shuningdek, ijodkor atigi 20 kun ichida “Xellouin” filmini suratga olishga muvaffaq bo‘lgan.
Maykl Mayer — bolaligida vahshiylik qilgan haqiqiy psixopat. Bu voqeaga 15 yil bo‘lsa-da, u ozodlikda yuradi, bu kichik shaharcha aholisiga zarar yetkazadi.
Ushbu loyiha 13 ta filmni o‘z ichiga olgan kino franshizasining yaralishiga sabab bo‘ldi: qayerdadir syujet asl nusxadan farq qiladi, qayerdadir boshlanganini davom ettiradi.
“Bler jodugar: Boshqa dunyodagi kurs ishi”
Ushbu qo‘rqinchli film birinchi marta chiqarilganda insonlar ikki xil fikrga kelgan. Ba’zilar “Bler jodugar” hujjatli loyiha ekaniga chin dildan ishongan. Boshqalar bu fantastika ekanligini tushunishdi. Birinchi guruhdagilar esa uni ko‘rish uchun kinoteatrga borishga jur’at etmagan, ba’zilari esa oxirigacha tomosha qila olmagan. 20-asr oxirida rejissorlar Deniel Mirik va Eduardo Sanches o‘zining filmlari bilan shov-shuv ko‘tarishga va insonlarning turli xil munosabatini bilishga muvaffaq bo‘ldi.
Ushbu filmni haqiqatan ham qo‘rqinchli deb bilganlar orasida Stiven King ham bor. Janr qiroli sifatida undan bir necha bor siz ko‘rgan eng dahshatli film qaysi, deb so‘rashgan va aktyor aynan shu film haqida gapirib bergan.
Loyiha yaratuvchilari filmni tahrir qilishi uchun 8 oy vaqt sarfladi, biroq suratga olish ishlarining o‘ziga atigi 8 kun sarflandi.
“Telefon butkasi”
Ssenariy muallifi Larri Koenning aytishicha, film g‘oyasi unga 1960-yillarda kelgan va u Alfred Xitkokka murojaat qilgan: Koen film suratga olishni taklif qildi, uning voqealari telefon butkasida sodir bo‘ladi. Keyingi uchrashuvlarda Xichkok va Koen film uchun umumiy xulosaga kela olmadi. 20-asrning oxirida ssenariy muallifi telefon butkasini snayper bilan bog‘ladi.
Joel Shumaxer loyihaning rejissoriga aylandi, bosh rolni esa irlandiyalik aktyor Kolin Farrell ijro etdi. Ushbu loyiha ham 8 kunda suratga olingan.
“Kasablanka”
Loyihada Kasablanka — badavlat insonlar va endigina avj olgan Ikkinchi Jahon urushidan qochgan qochqinlar yashaydigan shahar sifatida tasvirlangan. Tadbirkor Rikka tegishli bo‘lgan mahalliy bar boylarning sevimli joyi bo‘ladi. Kutilmaganda fashistlarga qarshi chiqqan bir kishi Kasablankaga keladi va qishloqda tartibsizliklarni keltirib chiqaradi. U yolg‘iz emas, chiroyli rafiqasi bilan keladi.
Film WB studiyalarida ikki oy ichida suratga olindi, suratga olish jarayonlarini Kasablankaga ko‘chirish uchun ijodkorlarda mablag‘ yo‘q edi. “Kasablanka” nafaqat jahon klassikasi, balki eng ko‘p iqtibos keltiriladigan film ham hisoblanadi. Ushbu dramadan olingan 6 ta iqtibos turli xil “toplarda” mavjud, bu boshqa filmlarga qaraganda ancha ko‘p.
“Kasablanka” — qayta suratga olish deyarli mumkin bo‘lmagan filmlardan biri. 21-asrning boshlarida xonanda Madonna hikoyani qayta suratga olish taklifi bilan studiyalarga bordi. U bosh rolni Eshton Kutcherga bermoqchi edi, biroq uni rad etishdi. Madonnaga bu g‘oya bilan bir studiyadan boshqasiga yugurmaslik kerakligini aytishdi, chunki filmni o‘zgartirib bo‘lmaydi.
Izoh (0)