O‘zbekiston Kubogi. “Paxtakor” so‘nggi daqiqalarda urilgan gol evaziga “So‘g‘diyona”ni mag‘lub etdi, “Aral” “Do‘stlik” ustidan yirik g‘alabani nishonladi

Futbol bo‘yicha O‘zbekiston Kubogi guruh bosqichi 1-turidan o‘rin olgan qator uchrashuvlar 26-aprel, chorshanba kuni o‘tkazildi.

G guruhida “Paxtakor” “So‘g‘diyona”ni qabul qildi. Uchrashuvning birinchi bo‘limida 0:0 hisobi qayd etildi. Ikkinchi bo‘limda esa toshkentliklar hisobni ochdi. 87-daqiqada Dragan Cheran raqib darvozasini ishg‘ol qildi.

“Aral” esa “Do‘stlik Toshkent”ga qarshi bahs olib bordi. Uchrashuv “Aral”ning 4:1 hisobidagi g‘alabasi bilan yakunlandi. Mezbonlar safida Damir Nizanov, Zulpuqar Kuanishbayev, Shahzod Turopov va Timur Usmonovlar gol urdi. “Do‘stlik” safida Sardor Asatillayev o‘z hisobiga gol yozdirib qo‘ydi. 

O‘zbekiston Kubogi

Guruh bosqichi, 1-tur

26-aprel, chorshanba

“Paxtakor” – “So‘g‘diyona” 1:0

Gol: 1:0 — 87 Cheran

“Aral” – “Do‘stlik Toshkent” 4:1

Gollar: 1:0 — 28 Damir Nizanov, 2:0 — 32 Zulpuqar Kuanishbayev, 3:0 — 39 Shahzod Turopov, 4:0 — 63 Timur Usmonov, 4:1 — 75 Sardor Asatillayev.