Mudofaa vazirligiga qarashli harbiy qism va muassasalarida tantanali ravishda harbiy xizmatga yangi chaqirilgan muddatli harbiy xizmatchilarni Vatanga qasamyod keltirish marosimlari o‘tkazildi. Bu haqda vazirlik matbuot xizmati xabar berdi.
Ma’lum qilinishicha, Toshkent shahridagi “Vatanga qasamyod” majmuasida o‘tkazilgan marosimda mudofaa vazirining birinchi o‘rinbosari, Qurolli Kuchlar Bosh shtabi boshlig‘i general-mayor Shuhrat Xolmuhamedov yig‘ilganlar eʼtiboriga mudofaa vazirining askarlarga tabrigini o‘qib eshittirgan.
Shuningdek, Mudofaa vazirligi huzuridagi Jamoatchilik kengashi aʼzolari, davlat va jamoat tashkilotlari vakillari, ota-onalar yurt osoyishtaligi yo‘lida xizmat qilishga bel bog‘lagan o‘g‘lonlarga o‘zlarining samimiy tilaklarini bildirgan.
“Bu kabi tantanali marosimlar bugun barcha harbiy okruglar, harbiy qism va muassasalarda o‘tkazildi. Joylardagi marosimlarda Mudofaa vazirligi, harbiy okruglar va harbiy qismlarning masʼul ofitserlari har bir yurt o‘g‘loniga muddatli harbiy xizmat davomida ulkan zafarlar tiladi”, — deyiladi xabarda.
Asosiy tadbirdan so‘ng, harbiy xizmatchilar tomonidan ko‘rgazmali qo‘l jangi va jangovar chiqishlar, konsert dasturlari namoyish etilgan.
Vatanga qasamyod nima?
O‘zbekiston prezidenti 2019-yilda “Xavfsizlik va mudofaa sohasidagi qonun hujjatlari takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonunni imzolagan edi.
Qonun bilan “Umumiy harbiy majburiyat va harbiy xizmat to‘g‘risida”gi qonuniga quyidagi o‘zgartish va qo‘shimchalar kiritildi:
3-modda (Umumiy harbiy majburiyat va Harbiy qasamyod):
- nomidagi “Harbiy qasamyod” degan so‘zlar “Vatanga qasamyod” degan so‘zlar bilan almashtirildi;
oltinchi qismi quyidagi tahrirda bayon etildi:
- Harbiy xizmatga birinchi marta chaqirilgan yoki ixtiyoriy ravishda (kontrakt bo‘yicha) kirgan fuqarolar O‘zbekiston Respublikasi davlat bayrog‘i oldida quyidagi mazmunda vatanga qasamyod qabul qiladi.
Izoh (0)