Суперлига. “Навбаҳор” сафарда “Турон”ни енгиб, пешқадамлар қаторига қўшилди

Футбол бўйича Ўзбекистон Суперлигасининг 7-турида “Турон” ва “Навбаҳор” жамоалари 23 апрель, якшанба куни ўзаро тўқнаш келди.

Учрашувнинг биринчи бўлимида ҳисоб очилмади. Иккинчи бўлим дебютида Ёвач Жокич наманганликларни олдинга олиб чиқди. 63-дақиқада Остон Ўрунов жамоасининг иккинчи голини урди.

72-дақиқада “Навбаҳор” Жамшид Болтабоевнинг четлатишидан кейин бир ўйинчи кам бўлиб қолди. Ўйин якунида ҳисоб йирик кўриниш олиши мумкин эди, бироқ Жамшид Искандаров пенальтидан фойдалана олмади.

Шу тариқа “Навбаҳор” очколарини 15 тага етказиб олган ҳолда етакчилар “Нефтчи” ва “Пахтакор” билан тенглашиб олди. “Турон” 3 очко билан сўнгги поғонада бормоқда.

Суперлига

7-тур баҳси

23 апрель, якшанба

“Турон” – “Навбаҳор” 0:2

Голлар: 0:1 – 47 Жокич, 0:2 – 63 Ўрунов.

“Турон”: 35. Раҳим Давронов, 2. Абдулазиз Абдурашидов (11. Шоҳназар Норбеков, 46), 14. Хуршид Мухторов (18. Абдуғани Камолов, 83), 15. Никола Кумбурович, 19. Сардор Абдураимов (5. Марлен Чобанов, 77), 21. Аъзам Алиев, 22. Душан Стоилкович (88. Милан Боёвич, 83), 44. Анри Чичинадзе, 49. Закария Бегларишвили (17. Қувондиқ Рўзиев, 60), 55. Хушнуд Авилов, 77. Билолхон Тошмирзаев.

“Навбаҳор”: 1. Ўткир Юсупов, 6. Иброҳим Йўлдошев, 7. Остон Ўрунов, 10. Жамшид Искандаров, 14. Жамшид Болтабоев, 17. Аброр Исмоилов, 21. Темурхўжа Абдухолиқов (11. Шоҳруз Норхонов, 90+3), 22. Игор Голбан, 23. Йован Жокич, 24. Даврон Ҳошимов, 77. Асадбек Собиржонов.

Огоҳлантиришлар: Кумбурович (26), Ҳошимов (50).

Четлатиш: Болтабоев (71).