Ba’zi kunlar tongda tezgina uyg‘onasiz, ba’zilarida esa o‘rningizdan turishda qiynalasiz. Standart 7-8 soat uxlasangiz ham buning sababini topolmaysiz. Bezovtaligimizga asosiy omillardan biri — bu oziq-ovqat. Biz nima yesak, o‘shamiz va bu haqiqat. Oziq-ovqat bizga hayotiy energiya beradi. To‘g‘ri energiya olish uchun yaxshi ovqatlanish va barcha kerakli vitamin va minerallarni olishingiz kerak. Yaxshisi, ertalabki bezovtalikka olib keladigan 5 ta xatoni sanab o‘tamiz.
Nonushta o‘rniga bir chashka qahva ichish
Albatta, biz har doim ham och qolgan holda uyg‘onmaymiz. Bu mutlaqo normal holat. Balki bir kun oldin kechki ovqatda kuchli taom tanovul qilgandirsiz. Yoki shunchaki ertalab hech qachon och qolmassiz. Qanday bo‘lmasin, siz nonushta o‘rniga ichilgan bir chashka qahva bilan organizmni yangi kun uchun energiya bilan to‘ldirolmaysiz. Ha, qahva kimnidir tetiklashtiradi, lekin ta’siri uzoq davom etmaydi.
Kun davomida kaloriyalari hisoblangan parhez tutish
Ushbu yondashuv qaysi mahsulotlar organizmga foydali, qaysi biri zararli ekanligini bilsangizgina amalga oshiriladi. Misol uchun, kuniga 1 500 kkal uchun 3 marta yuqori sifatli sog‘lom taomlarni iste’mol qilib, gazak yoki shirinlikka joy qoldirishingiz mumkin. Deylik nonushtaga qovoqli kuskus pyuresi, tushlikka tovuq, ismaloq va makaron, kechki ovqatga — grek yong‘og‘i sousi, sabzavot qo‘shib pishirilgan mol go‘shti kabi. Va shu bilan kola va bir paket chips yoki burgerni yesangiz bo‘ladi. Farqi aniq: birinchi galda organizm foydali moddalar bilan, ikkinchisida — yog‘ va bo‘yoqlar bilan to‘yinadi.
O‘zingizni to‘g‘ri ovqatlanish bilan qiynaysiz
Oziq-ovqat foydali bo‘lishidan tashqari, mazali bo‘lishi kerak! Agar Google PP retseptlarini qidirsangiz, birinchi navbatda qaynatilgan grechka bilan tovuq go‘shtini ko‘rasiz va gazak sifatida sizga kefirli olma taklif etiladi. Albatta, bu mahsulotlarning afzalliklari bisyor. Ammo o‘zingizni ta’msiz ovqat yeyishga majburlab, bunga qancha vaqt mobaynida chidaysiz? Oziq-ovqat organizmda baxt gormonlarini ishlab chiqarishga olib keladi, bu esa umumiy farovonlikda muhim rol o‘ynaydi. Yana bir shunday nonushta sizni kutib turganini bilib, ertalab o‘zingizni qanday his qilishingizni o‘ylab ko‘ring.
Uyquga yotishdan oldin ovqatlanasizmi?
Biz soat 18:00 dan keyin ovqatlanmaslik qoidasiga amal qilishni tavsiya etmaymiz, biroq bir qarasangiz, bunda qandaydir haqiqat bor. Mutaxassislar yotishdan oldin 3-4 soat ichida ovqatlanmaslikni maslahat berishadi. Buning sababi shuki, tunda ham oshqozon faoliyatini to‘xtatmaydi. Agar kechasi ovqatlansangiz, ovqat hazm qilish tizimi tun bo‘yi ishlaydi, ovqatni hazm qiladi. Bu sizning uxlashingizga xalaqit berayotganga o‘xshamayaptimi? To‘g‘ri, sizni hech narsa to‘xtatmaydi. Ammo ertalab o‘zingizni charchagan his qilasiz, chunki organizm kechasi dam olmagan bo‘ladi.
Oddiy qoida: lekin siz suv ichmaysiz!
Suvning foydalari haqida batafsil to‘xtalib o‘tirish shart emas. Aytaylik, suv ichishning bir necha qoidalari bor. Birinchidan, miqdor. O‘rtacha odam kuniga bir yarim litr suv ichishi kerak. Agar aniq miqdorni hisoblamoqchi bo‘lsangiz, unda biz sizga formulani taklif qilamiz: ayollar uchun tana vaznining kilogrammiga 31 millilitr suv va erkaklar uchun 35 millilitr to‘g‘ri keladi.
Ikkinchidan, vaqt. Kun davomida suvni teng ravishda iching. Agar sizda shishishga moyillik bo‘lsa, kechqurun ertalab va tushdan keyin biroz kamroq suv iching. Birinchi stakanni uyg‘ongandan so‘ng darhol ichish kerak — organizmni shunday uyg‘otasiz va undagi barcha jarayonlarni boshlaysiz. Uchinchidan, faqat suv hisobga olinadi. Choy, qahva, sharbat va boshqa ichimliklar kunlik suv miqdoriga kiritilmaydi, shuning uchun suvni boshqa suyuqliklar bilan almashtirmang.
Agar to‘g‘ri ovqatlanishni boshlash qiyin bo‘lsa, 21 kun davomida asta-sekin diyetangizga foydali oziq-ovqatlarni kiritishga harakat qiling. Odatlar odamda atigi uch hafta ichida shakllanadi. O‘zingizga va sog‘lig‘ingizga g‘amxo‘rlik qiling!
Izoh (0)