Krem yuz terisiga noto‘g‘ri miqdorda qo‘llansa, u quyoshning zararli ta’siridan himoya qilmaydi. The Voice nashri SPF kremlarni yuz terisiga to‘g‘ri qo‘llash haqidagi ma’lumotlarni taqdim etdi.
Bahor kelishi bilan ko‘plab ayollar kosmetologlar maslahatiga amal qilib, terini zararli UV nurlaridan faol himoya qila boshlaydi. Biroq terini parvarish qilish tartibiga faqat SPF mahsulotini qo‘shishning o‘zi yetarli emas, siz kremni qanday qilib to‘g‘ri ishlatishni ham o‘rganishingiz kerak.
Agar shu paytgacha yuzingizga bir necha tomchi krem surtgan bo‘lsangiz va ularni butun yuzingizga yupqa qatlam bilan tarqatgan bo‘lsangiz, unda siz barcha narsani noto‘g‘ri qilgansiz. Bunday sharoitda mahsulot shunchaki o‘zining to‘liq salohiyatini ochib berish imkoniyatiga ega emas, ya’ni u asosiy vazifasini bajara olmaydi, xavfli quyosh nurlari teriga zarar yetkazmasligi kerak.
SPF kremini yuzga to‘g‘ri qo‘llash uchun bir qancha ko‘rsatmalarga amal qilish kerak, buning uchun quyidagi ishlarni eslab qoling.
Yuzingizga SPF kremni qanday qilib to‘g‘ri surtish kerak:
- choy qoshiqni oling va yarmini krem bilan to‘ldiring — birinchi bosqichda bu mahsulot miqdorini to‘g‘ri hisoblashga yordam beradi;
- butun vositani qoshiqdan qalin qatlam bilan yuzga yoyib chiqing;
- bo‘yin haqida unutmang, u ham to‘g‘ridan to‘g‘ri quyosh nuri ostida va himoyaga muhtoj;
- dastlab krem terida zichlashadi, biroq siz bundan qo‘rqmasligingiz kerak — yaxshi vosita 15 daqiqadan so‘ng to‘liq so‘riladi;
- krem to‘liq so‘rilganida, xavfsiz tashqariga chiqishingiz yoki bo‘yanishni boshlashingiz mumkin;
- bu holatdan keyin zararli UV nurlari ishonchli to‘siqdan o‘tmasligiga va teringizga zarar keltirmasligiga ishonsangiz bo‘ladi.
Izoh (0)