Баъзи кунлар тонгда тезгина уйғонасиз, баъзиларида эса ўрнингиздан туришда қийналасиз. Стандарт 7-8 соат ухласангиз ҳам бунинг сабабини тополмайсиз. Безовталигимизга асосий омиллардан бири — бу озиқ-овқат. Биз нима есак, ўшамиз ва бу ҳақиқат. Озиқ-овқат бизга ҳаётий энергия беради. Тўғри энергия олиш учун яхши овқатланиш ва барча керакли витамин ва минералларни олишингиз керак. Яхшиси, эрталабки безовталикка олиб келадиган 5 та хатони санаб ўтамиз.
Нонушта ўрнига бир чашка қаҳва ичиш
Албатта, биз ҳар доим ҳам оч қолган ҳолда уйғонмаймиз. Бу мутлақо нормал ҳолат. Балки бир кун олдин кечки овқатда кучли таом тановул қилгандирсиз. Ёки шунчаки эрталаб ҳеч қачон оч қолмассиз. Қандай бўлмасин, сиз нонушта ўрнига ичилган бир чашка қаҳва билан организмни янги кун учун энергия билан тўлдиролмайсиз. Ҳа, қаҳва кимнидир тетиклаштиради, лекин таъсири узоқ давом этмайди.
Кун давомида калориялари ҳисобланган парҳез тутиш
Ушбу ёндашув қайси маҳсулотлар организмга фойдали, қайси бири зарарли эканлигини билсангизгина амалга оширилади. Мисол учун, кунига 1 500 ккал учун 3 марта юқори сифатли соғлом таомларни истеъмол қилиб, газак ёки ширинликка жой қолдиришингиз мумкин. Дейлик нонуштага қовоқли кускус пюреси, тушликка товуқ, исмалоқ ва макарон, кечки овқатга — грек ёнғоғи соуси, сабзавот қўшиб пиширилган мол гўшти каби. Ва шу билан кола ва бир пакет чипс ёки бургерни есангиз бўлади. Фарқи аниқ: биринчи галда организм фойдали моддалар билан, иккинчисида — ёғ ва бўёқлар билан тўйинади.
Ўзингизни тўғри овқатланиш билан қийнайсиз
Озиқ-овқат фойдали бўлишидан ташқари, мазали бўлиши керак! Агар Google ПП рецептларини қидирсангиз, биринчи навбатда қайнатилган гречка билан товуқ гўштини кўрасиз ва газак сифатида сизга кефирли олма таклиф этилади. Албатта, бу маҳсулотларнинг афзалликлари бисёр. Аммо ўзингизни таъмсиз овқат ейишга мажбурлаб, бунга қанча вақт мобайнида чидайсиз? Озиқ-овқат организмда бахт гормонларини ишлаб чиқаришга олиб келади, бу эса умумий фаровонликда муҳим рол ўйнайди. Яна бир шундай нонушта сизни кутиб турганини билиб, эрталаб ўзингизни қандай ҳис қилишингизни ўйлаб кўринг.
Уйқуга ётишдан олдин овқатланасизми?
Биз соат 18:00 дан кейин овқатланмаслик қоидасига амал қилишни тавсия этмаймиз, бироқ бир қарасангиз, бунда қандайдир ҳақиқат бор. Мутахассислар ётишдан олдин 3-4 соат ичида овқатланмасликни маслаҳат беришади. Бунинг сабаби шуки, тунда ҳам ошқозон фаолиятини тўхтатмайди. Агар кечаси овқатлансангиз, овқат ҳазм қилиш тизими тун бўйи ишлайди, овқатни ҳазм қилади. Бу сизнинг ухлашингизга халақит бераётганга ўхшамаяптими? Тўғри, сизни ҳеч нарса тўхтатмайди. Аммо эрталаб ўзингизни чарчаган ҳис қиласиз, чунки организм кечаси дам олмаган бўлади.
Оддий қоида: лекин сиз сув ичмайсиз!
Сувнинг фойдалари ҳақида батафсил тўхталиб ўтириш шарт эмас. Айтайлик, сув ичишнинг бир неча қоидалари бор. Биринчидан, миқдор. Ўртача одам кунига бир ярим литр сув ичиши керак. Агар аниқ миқдорни ҳисобламоқчи бўлсангиз, унда биз сизга формулани таклиф қиламиз: аёллар учун тана вазнининг килограммига 31 миллилитр сув ва эркаклар учун 35 миллилитр тўғри келади.
Иккинчидан, вақт. Кун давомида сувни тенг равишда ичинг. Агар сизда шишишга мойиллик бўлса, кечқурун эрталаб ва тушдан кейин бироз камроқ сув ичинг. Биринчи стаканни уйғонгандан сўнг дарҳол ичиш керак — организмни шундай уйғотасиз ва ундаги барча жараёнларни бошлайсиз. Учинчидан, фақат сув ҳисобга олинади. Чой, қаҳва, шарбат ва бошқа ичимликлар кунлик сув миқдорига киритилмайди, шунинг учун сувни бошқа суюқликлар билан алмаштирманг.
Агар тўғри овқатланишни бошлаш қийин бўлса, 21 кун давомида аста-секин диетангизга фойдали озиқ-овқатларни киритишга ҳаракат қилинг. Одатлар одамда атиги уч ҳафта ичида шаклланади. Ўзингизга ва соғлиғингизга ғамхўрлик қилинг!
Изоҳ (0)