Olma — dunyodagi eng keng tarqalgan meva hisoblanadi. Ingliz va xitoy xalqi orasida olma haqida turli xil mulohazalar mavjud. Har kuni olma iste’mol qilgan inson shifokor qabuliga bormaydi. Hozirda 10 mingta olma navlari mavjud, biroq ta’mga qo‘shimcha ravishda ular orasidagi farq nimada ekanini hamma ham bilmaydi.
Qizil va sariq olmalar shirinroq va shuningdek ularning kaloriyasi ham yuqori. Bu olmalar ko‘z, miya va qon tomirlari uchun foydali bo‘lgan beta-karotinni o‘z ichiga oladi. Qizil va sariq rangdagi olmalarni oshqozonning kislotaliligi yuqori bo‘lgan insonlar bemalol iste’mol qilishi mumkin. Bundan tashqari, bu olma tarkibida kuchli antioksidant kvertsetin mavjud.
Yashil olmalarga kelsak, oshqozon kasalliklari bilan og‘rigan insonlar uni iste’mol qilmagani ma’qul. Biroq bunday olmalar qomatga e’tibor qaratadigan insonlar uchun foydaliroq hisoblanadi, chunki ular qizil rangli olmaga qaraganda kam shakarni o‘z ichiga oladi.
Shuningdek, yashil olma tarkibida ko‘proq C, B vitaminlari va temir mavjud. Bu olmalarni kuzda iste’mol qilgan ma’qul. Yashil olmaning yana bir ustunlik tomoni shundaki, ularni iste’mol qilgan insonlarda allergik reaksiyaga moyil bo‘lish ehtimoli kamroq.
Agar sizda hech qanday kontrendikatsiya bo‘lmasa, turli xil rangdagi olma yesangiz ham bo‘ladi, shunda ularning organizmga ijobiy ta’siri maksimal bo‘ladi.
Maslahat
Yodda tuting, olma po‘sti tish emalini mustahkamlashga yordam beradi. Uni mayda to‘g‘rab, tish emaliga surtish va shu holatda 5-10 daqiqaga qoldirish kerak. Jarayonni haftada 3-4 marta bajarish tavsiya etiladi.
Izoh (0)