Ayrim mashhurlar chinakam shon-shuhratga mehnat, matonat bilangina erishish mumkinligini isbotlab bergan. “Lisa.ru” nashri tanilishidan oldin oddiy kasb egalari bo‘lgan mashhurlar haqida ma’lumot berdi.
Jennifer Eniston
Aktrisa “Do‘stlar” loyihasida suratga tushishidan oldin Manhettendagi Jekson Hole Burgers’da ofitsiant bo‘lib ishlagan. Jennifer bu vaqtinchalik yarim kunlik ish ekanini bilar edi, shuning uchun u parallel ravishda film kastinglarida ishtirok etdi.
Yemakxona rahbarlari Enistonning ambitsiyalarini qo‘llab-quvvatladi va uni ekran sinovlarida ishtirok etishiga ruxsat berdi. Keyinchalik Eniston “Do‘stlar” sitkomidagi Reychel Grin roliga tasdiqlandi, uning loyihadagi qahramoni bir necha marta ofitsiant bo‘lib ishlagan, biroq allaqachon Central Park kafesida faoliyat yuritayotgan qiz edi.
Bred Pitt
Jenniferning sobiq turmush o‘rtog‘i ham bu sohada tajribaga ega edi. Biroq Bred Pitt aktrisadan farqli o‘laroq, oddiy kambag‘al oilada o‘sgan, shuning uchun erta ishlashiga to‘g‘ri kelgan.
Bred El Pollo Loco restoranida haydovchilik, kuryerlik va keyin ofitsiantlik kasbida ham o‘zini sinab ko'rdi. Shuningdek u ham tovuq kostyumini kiyib, ko‘chada turib, insonlarni oshpazlarning taomlaridan tatib ko‘rishga taklif qilgan. Pitt o‘z obrazidan uyalmadi va buni aktyorlik mahoratining oshishiga yordam beradi deb hisobladi, chunki uning maqsadi yaxshi aktyor bo‘lish edi.
Ivan Urgant
Ivan Sankt-Peterburg teatr san’ati akademiyasini tamomlaganidan so‘ng, o‘z kasbida ishlashni xohlamadi, tungi klublarda ofitsiant va bufetchi bo‘lib ishladi. Keyinchalik rahbarlar Urgantga tadbirlar va kechalar mezboni bo‘lishni taklif qildi va uning o‘zi ham bunga qarshilik bildirmadi.
Pink
Amerikalik pop xonanda va 2000-yillarning yulduzi birdan mashhurlikka erishmadi. U bu darajaga kelgunga qadar McDonald’s va Pizza Hut’da ishlagan. Pinkning ta’kidlashicha, bu vaqt u qaytib borishni istamaydigan vaziyat edi. Buning sababi esa har doim norozi mehmonlar va doimiy stress bo‘lgan. Biroq buning o‘ziga xos afzalliklari bor: xonandaning aytishicha, bu ish tufayli u yanada chidamli va mehnatkash bo‘lgan.
Nikki Minaj
40 yoshli reper har doim o‘zining jasurligi va yorqin obrazlari bilan ajralib turadi. Nikki mashhurlikka erishishidan oldin Red Lobster fastfud restoranida ofitsiant bo‘lib ishlagan. Minaj bir stolning tartibini daftarga yozganida, u yerga tashrif buyurgan qiz ko‘rsatmasdan ikkinchi ruchkani oldi. Ruchkasini yo‘qotib qo‘yganidan so‘ng Niki vijdonsiz mehmonlarni ushladi va ularni haqorat qilib, qoraladi. Shu sababli Nikki restorandan haydaldi.
Yolka
Liza Ivantsivning (xonandaning haqiqiy ismi) xonanda bo‘lish orzusi uni bolaligidan tark etmadi. Unda Bad Balance guruhiga kirish imkoniyati paydo bo‘lgandan so‘ng, ko‘p o‘tmay mashhurlikka erishdi.
Gap shundaki, Bad Balance guruhi tarqaldi va Liza xonanda sifatida faoliyatini tugatishga qaror qildi. U kerakli daromadni topish maqsadida restoranda ofitsiant bo‘lib ishlashga majbur bo‘ldi.
Sheron Stoun
Aktrisa va model Sheron Stoun 20 yoshida McDonald’s kassasida ishlagan. Pink bilan solishtirganda, Sheron yaxshiroq va ko‘proq tajribaga ega edi.
Amanda Seyfrid
“Yomon qizlar” filmining yulduzi bolaligidanoq insonlarga yordam berishni yaxshi ko‘rardi va o‘smirlik davridayoq shu yo‘l bilan pul topishni xohlardi. Amanda qariyalar uyiga bordi va u yerda ofitsiant lavozimini egalladi.
Seyfridning so‘zlariga ko‘ra, birinchi ish unga ko‘proq zavq bag‘ishladi — u bu yerda oddiy g‘amxo‘rlikni qadrlaydigan quvnoq bobo va buvilarning tabassumlarini ko‘rdi.
Izoh (0)