Kreml matbuot kotibi Dmitriy Peskov Rossiya prezidenti Vladimir Putinning nima uchun Telegram’da rasmiy kanali yo‘qligini tushuntirdi. Bu haqda “RIA Novosti” xabar berdi.
.jpg)
Ma’lum qilinishicha, Putin ijtimoiy tarmoqlardan foydalanmaydi, uning Telegram kanali ham yo‘q. Chunki Rossiya rahbarining harakati “butun dunyoni qamrab oladi”.
“Siz va mendan farqli o‘laroq, uning har bir harakati butun dunyo tomonidan qayd etiladi. U yo‘lakda turib pichirlab gapirsa ham, hamma uni tinglaydi”, — dedi Dmitriy Peskov.
Shuningdek, u “Putin uchun Telegram kanalning nima keragi bor?” deya qo‘shimcha qildi.
Avvalroq Peskov nima uchun Putinning ijtimoiy tarmoqlarda akkauntlari yo‘qligini tushuntirgandi. Uning so‘zlariga ko‘ra, prezidentning akkakunt yuritishga vaqti yo‘q va Putin uning o‘rniga boshqa birov akkauntini yuritishini istamaydi.
Rossiya prezidentining o‘zi zamonaviy internet-platformalar inson ongini nazorat qilib, o‘zi uchun zarur bo‘lgan narsani ongga “tashlashini” aytgandi. Putin shu tariqa odam boshqarilayotganini bilmay qaror qabul qilishini qo‘shimcha qilgan.
Izoh (0)