Bollivud yulduzi Priyanka Chopra va uning turmush o‘rtog‘i Nik Jonas 2022-yilning yanvar oyida surrogat ona tufayli farzandli bo‘lgani haqida xabar berilgan edi. Keyinchalik juftlik qizalog‘iga Malti Mari deb ism qo‘ygani va u muddatidan ancha oldin tug‘ilgani haqida ma’lumot berildi. Baxtli oila vakillari hozirda qizalog‘i bilan o‘tkazgan baxtli lahzalarini suratlarga muhrlab, ijtimoiy tarmoqlarda muxlislariga taqdim etadi.
Otasiga o‘xshash qizaloq
Yaqinda Nik Jonas Nike krossovkalari yonida Maltining Nike krossovkalari turgan suratni joylashtirdi va uning ostiga “Ota va qiz” deb izoh qoldirdi.
Qizaloqning onasi ham ta’sirli lahzalarni baham ko‘radi
Oradan biroz vaqt o‘tgach, Priyanka o‘zining ijtimoiy tarmoqdagi sahifasiga Maltining oq ko‘rpaga o‘ranib uxlayotgani aks etgan fotosuratini joylashtirdi va unga “Uyqudagi ertaklar” deb izoh yozdi.
40 yoshli aktrisa yana bir postida qizalog‘ini ko‘tarib bo‘yanayotgani aks etgan suratni muxlislariga taqdim etdi. Unda aktrisa bo‘yanish uchun lablarini cho‘zgani, qizi esa tizzasida yotib jarayonni kuzatib borayotganini ko‘rish mumkin.
Juftlik farzandli bo‘lishni orzu qilardi
Priyanka Chopra va Nik Jonas 2022-yilning yanvar oyida surrogat ona yordamida ona bo‘lishini ma’lum qildi. Bundan oldin Priyanka o‘z kelajagini va oilasining kelajagini bolalar qurshovida ko‘rishini bir necha bor ta’kidlagan.
Aktrisa 2020-yildagi intervyularidan birida ona bo‘lish qanchalik muhimligi haqida gapirib bergan.
Mashhur juftlik oilasiga yangi a’zo qo‘shilganidan xursandligini bildirgan. Chopra esa onalik uning hayotini o‘zgartirganini yashirmaydi.
“20 yil davomida tinimsiz ishladim va faqat keyingi loyiham nima bo‘lishini o‘yladim. Biroq hozir mening e’tibor markazim — qizimda, chunki men qabul qiladigan har bir qaror u yoki bu tarzda u bilan bog‘liq.
Oila har doim birinchi o‘rinda turadi
Shuningdek Priyanka qizalog‘i doim uning yonida bo‘lishi uchun qo‘lidan kelganini qilishini aytgan. “Uning xonasida 7 ta kamera bor. Qizimning endigina ko‘zlarini ochganda yuzini ko‘rish qanchalik hayratlanarli ekanini bilmaysiz”, — deydi aktrisa.
Priyanka Chopra Nik va uning ota-onasi ko‘p yordam berishini ta’kidlaydi, chunki aktrisa hali kinodagi karyerasini tark etishni rejalashtirmayapti.
“Oilam — mening asosiy kuchim”, — deydi aktrisa.
Izoh (0)