Болливуд юлдузи Приянка Чопра ва унинг турмуш ўртоғи Ник Жонас 2022 йилнинг январь ойида суррогат она туфайли фарзандли бўлгани ҳақида хабар берилган эди. Кейинчалик жуфтлик қизалоғига Малти Мари деб исм қўйгани ва у муддатидан анча олдин туғилгани ҳақида маълумот берилди. Бахтли оила вакиллари ҳозирда қизалоғи билан ўтказган бахтли лаҳзаларини суратларга муҳрлаб, ижтимоий тармоқларда мухлисларига тақдим этади.
Отасига ўхшаш қизалоқ
Яқинда Ник Жонас Nike кроссовкалари ёнида Малтининг Nike кроссовкалари турган суратни жойлаштирди ва унинг остига “Ота ва қиз” деб изоҳ қолдирди.
Қизалоқнинг онаси ҳам таъсирли лаҳзаларни баҳам кўради
Орадан бироз вақт ўтгач, Приянка ўзининг ижтимоий тармоқдаги саҳифасига Малтининг оқ кўрпага ўраниб ухлаётгани акс этган фотосуратини жойлаштирди ва унга “Уйқудаги эртаклар” деб изоҳ ёзди.
40 ёшли актриса яна бир постида қизалоғини кўтариб бўянаётгани акс этган суратни мухлисларига тақдим этди. Унда актриса бўяниш учун лабларини чўзгани, қизи эса тиззасида ётиб жараённи кузатиб бораётганини кўриш мумкин.
Жуфтлик фарзандли бўлишни орзу қиларди
Приянка Чопра ва Ник Жонас 2022 йилнинг январь ойида суррогат она ёрдамида она бўлишини маълум қилди. Бундан олдин Приянка ўз келажагини ва оиласининг келажагини болалар қуршовида кўришини бир неча бор таъкидлаган.
Актриса 2020 йилдаги интервьюларидан бирида она бўлиш қанчалик муҳимлиги ҳақида гапириб берган.
Машҳур жуфтлик оиласига янги аъзо қўшилганидан хурсандлигини билдирган. Чопра эса оналик унинг ҳаётини ўзгартирганини яширмайди.
“20 йил давомида тинимсиз ишладим ва фақат кейинги лойиҳам нима бўлишини ўйладим. Бироқ ҳозир менинг эътибор марказим — қизимда, чунки мен қабул қиладиган ҳар бир қарор у ёки бу тарзда у билан боғлиқ.
Оила ҳар доим биринчи ўринда туради
Шунингдек Приянка қизалоғи доим унинг ёнида бўлиши учун қўлидан келганини қилишини айтган. “Унинг хонасида 7 та камера бор. Қизимнинг эндигина кўзларини очганда юзини кўриш қанчалик ҳайратланарли эканини билмайсиз”, — дейди актриса.
Приянка Чопра Ник ва унинг ота-онаси кўп ёрдам беришини таъкидлайди, чунки актриса ҳали кинодаги карьерасини тарк этишни режалаштирмаяпти.
“Оилам — менинг асосий кучим”, — дейди актриса.
Изоҳ (0)