Qashqadaryo viloyati Ko‘kdala tumanida aholi xonadonlaridan biriga bo‘ri kirib qoldi. Bu haqda Tabiat resurslari vazirligi viloyat boshqarmasi axborot xizmati xabar berdi.
Ma’lum bo‘lishicha, “To‘qmor” mahallasida yashovchi fuqaro N.O.ning hovlisiga yovvoyi hayvon kirib qolgani to‘g‘risidagi murojaat boshqarma xodimlari hamda Ko‘kdala tuman ichki ishlar bo‘limi xodimlari tomonidan o‘rganilgan.
O‘rganish davomida fuqaroning hovlisiga kirib qolgan hayvon bo‘ri ekanligi aniqlangan. Bu bo‘yicha Shahrisabz shahrida joylashgan “Zoosirk” xususiy korxonasiga xabar berilgan. Mutaxassis tomonidan bo‘rining holati o‘rganilib, uning xulosasi bilan tabiat qo‘yniga quyib yuborish choralari ko‘rilmoqda.
Izoh (0)