Қашқадарё вилояти Кўкдала туманида аҳоли хонадонларидан бирига бўри кириб қолди. Бу ҳақда Табиат ресурслари вазирлиги вилоят бошқармаси ахборот хизмати хабар берди.
Маълум бўлишича, “Тўқмор” маҳалласида яшовчи фуқаро Н.О.нинг ҳовлисига ёввойи ҳайвон кириб қолгани тўғрисидаги мурожаат бошқарма ходимлари ҳамда Кўкдала туман ички ишлар бўлими ходимлари томонидан ўрганилган.
Ўрганиш давомида фуқаронинг ҳовлисига кириб қолган ҳайвон бўри эканлиги аниқланган. Бу бўйича Шаҳрисабз шаҳрида жойлашган “Зооцирк” хусусий корхонасига хабар берилган. Мутахассис томонидан бўрининг ҳолати ўрганилиб, унинг хулосаси билан табиат қўйнига қуйиб юбориш чоралари кўрилмоқда.
Изоҳ (0)