Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Aktrisa Muqaddas Sa’dullayeva sahifasiga turmush o‘rtog‘i bilan tushgan suratini hazilomuz izohladi.
Aktrisa va dizayner Shahzoda Muhammedova Makka shahrida o‘zining e’tiborini tortgan jihatlar haqida so‘zlab berdi. Uning aytishicha, muqaddas shaharda Ramazon oyida kunduz payti restoran va kafelar ishlamaydi. Umumiy ovqatlanish shoxobchalari faqatgina iftor paytida ishlay boshlaydi.
O‘zbekistonda xizmat ko‘rsatgan artist Alisher Fayz ayni paytda AQShning Nyu-York shahrida ekanligini ma’lum qildi.
Raqqosa Parizoda YouTube kanallardan biriga bergan intervyusida Instagram sahifasidagi reklama narxi haqida gapirdi. Xususan, uning aytishicha, sahifasida Stories’da reklama joylash 700, lentadagi reklama esa 1,5 ming dollarga baholangan.
Dilnoza Kubayevaning onasi va akasi umra safariga uchib ketdi. Bu haqda aktrisaning ukasi Timur Kubayev ma’lum qildi.
Instabloger Kamola Ortiqova turmush o‘rtog‘i, xonanda Zohid Risqiyev “Ummon” guruhining yana bir xonandasi Jasur Rafiqovning vafot etganidan xabar topgani haqida so‘zlab berdi. “Bu xabarni eshitganlariga bir hafta bo‘ldi, ovqat yemayaptilar, judayam tushkunlikka tushib qoldilar”, deb yozadi Kamola Ortiqova.
Shuningdek, Kamola Ortiqova turmush o‘rtog‘i haligacha yura olmayotgani haqida ham so‘zlab berdi.
Munisa Rizayeva rossiyalik taniqli jurnalist Janna Badoyevaning “O‘zgalar hayoti” ko‘rsatuviga intervyu berdi.
El suygan aktyor Ubaydullo Omon ayni vaqtda umra amallarini bajarmoqda. U barcha muxlislariga muqaddas ramazon oyida umra safarini ado etishni tiladi.
Umid Iskandarov va Ulug‘bek Qodirov do‘stlari bilan iftorlik qilgani aks etgan suratni sahifalariga joylashtirdi.
Taniqli xonanda Yulduz Abdullayeva “Omon-omon” ko‘rsatuviga bergan intervyusida ilk marta nevarali bo‘lgani haqida so‘zlab berdi. “Danagidan mag‘zi shirin deyishardi, rostan ham shunday ekan”, — deydi xonanda.
Ilk marta otalik baxtiga sazovor bo‘lgan xonanda Sardor Toirov qizalog‘ini tug‘uruqxonadan olib chiqdi. Chaqaloqqa Muzdalifa deb ism qo‘yildi.
Xonanda Vohidjon Isoqov ham ayni paytda umra safarida ekanligini ma’lum qildi.
Izoh (0)