Instagram: Farhod va Shirin dueti tarqaldi, Izzat Shukurov farzandli bo‘ldi, Bunyodbek Saidov umra safarida

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

“Farhod va Shirin” dueti xonandasi Shirin yakkaxon ijod boshlaganini ma’lum qildi. Uning yakkaxon xonanda sifatidagi “Lakatum” deb nomlangan ilk qo‘shig‘i muxlislar e’tiboriga havola etildi.

Aktrisa, dizayner Shahzoda Muhammedovaning umra safari haqidagi taassurotlarini muxlislariga gapirib berdi.

“Shuncha dunyo kezibman-u, ammo Makka-yu Madinadek sakinat va halovat baxtini his etmagan ekanman hech bir musofirlikda! Ramazonda tarovih namozlarining fayzi boshqacha ekan, ayniqsa jamoat bilan uzoq muddat o’qiganda!”, — deydi aktrisa. 

Iste’dodli xonanda Izzatbek Shukurov ilk marta ota bo‘ldi.

Xonanda Sevara Nazarxon qizalog’i Imonga suvda suzishga mo‘ljallangan balon sovg‘a qilgani aks etgan videoni e’lon qildi.

Aktrisa Intizor Tojiboyeva otasi, marhum qiziqchi Hojiboy Tojiboyevning arxiv suratini sahifasiga joyladi.

Xonanda Bunyodbek Saidov Madina shahrida tushgan videosini e’lon qildi.

Aktrisa Asal Shodiyeva xonanda Shohruxxon o‘g‘illarining suratini chizganini obunachilariga ko‘rsatdi.

AQSHda yashovchi 79 yoshli O’zbekiston xalq artisti Muhabbat Shamayeva yaqinlariga quymoq tayyorlab bergani aks etgan videoni e’lon qildi.

Aktyor Akbarxo‘ja Rasulov Turkiyada tushgan suratini muxlislariga taqdim etdi.

Xonanda Yulduz Turdiyeva Portugaliyaning Lissabon shahridagi muxlislari uchun konsert berdi.

Bollivud aktrisasi Priti Zinta yangi surati bilan ko‘rinish berdi.

O‘zbekiston xalq artisti Yulduz Usmonova qo‘qonlik keksa muxlisasining duosini olgani aks etgan videoni sahifasiga joyladi.

Hulkar Abdullayeva hamkasbi Afsonaning tug‘ilgan kunida Nigora bilan tushgan suratini e’lon qildi.

Xonanda Jahongir Poziljonov endilikda uyida suv toshmasligini, muammo bartaraf etilganini muxlislariga gapirib berdi.

Aktrisa Gulruh Pirnazarova dunyodagi yagona haqiqat va kuch sevgi ekanini aytdi.

“Mittivine” jamoasi a’zosi Ulug’bek Shodibekov marhum do‘sti Farhod Mannopovning onasini tug’ilgan kuni bilan tabrikladi.

Xonanda Munisa Rizayeva “Jonginam” taronasini jonli ijroda kuylab berdi.