2023-yil 31-mart kuni TBC Bank Uzbekistan uzoq muddatli moliyalashtirish rejasi doirasida o‘z aksionerlaridan 28,1 million dollar miqdoridagi qo‘shimcha investitsiya jalb qildi.
a.jpg)
Taqsimlash TBC PLC, EBRD (Yevropa tiklanish va taraqqiyot banki) va IFC’ning (Xalqaro moliya korporatsiyasi) joriy ulushlariga muvofiq amalga oshirildi. 2020-yildan beri TBC Uz’ga jalb qilingan investitsiyalarning umumiy summasi 107 million dollarni tashkil qilmoqda. Yaqin kelajakda sarmoya kiritishning yana bir bosqichini amalga oshirish rejalashtirilgan.
“Xorijiy aksionerlar tomonidan bank sektoriga bu kabi yirik sarmoya kiritilishi bankning shiddat bilan rivojlanayotgan moliyaviy muassasa sifatida tan olinganidan darak. Bu bizga faoliyatimizni kengaytirishga, ilovamizning barqarorligi va ishonchliligini oshirishga imkon yaratadi. Mamlakatning olis hududlarida yanada ko‘proq bank xizmatlari taqdim etiladi. Shuningdek, kapital jalb qilinishi TBC Uz yirik bo‘lmagan bankdan katta miqyosdagi loyihaga aylanganini anglatadi. Bu esa, o‘z navbatida, bankimizning O‘zbekiston bozoridagi o‘rnini yanada mustahkamlaydi”, – dedi TBC Bank Uzbekistan boshqaruv raisi Spartak Tetrashvili.
2022-yil TBC Bank Uzbekistan uchun omadli keldi. Kompaniya zarar ko‘rmaslik nuqtasiga chiqdi, rekord darajada qisqa muddat ichida daromad ko‘rishni boshladi, yangi mahsulotlarni ishga tushirdi va boshqa ko‘plab yutuqlarga erishdi.
TBC Bank Uzbekistan Gruziya yetakchi bank guruhining xolding korxonasi hisoblangan TBC Bank Group shu’ba kompaniyasining bir qismi sanaladi. Bank chakana foydalanuvchilar uchun pul o‘tkazmalari, kreditlar, muddatli to‘lov, bank kartalari, onlayn-ilova orqali hisobvaraqlarni to‘lash kabi ko‘plab raqamli xizmatlarni taqdim etib keladi.
Ko‘proq ma’lumotni bizning ijtimoiy tarmoqlarimizdan olishingiz mumkin:
TBC PLC
TBC Bank Group PLC (TBC PLC) Angliya va Uelsda ro‘yxatdan o‘tgan mas’uliyati cheklangan ommaviy kompaniya hisoblanadi. TBC PLC TBC Bank AJ (TBC Bank) va asosan Gruziyaning moliyaviy sektori hamda u bilan chambarchas bog‘liq bo‘lgan sohalarda faoliyat yurituvchi kompaniyalar guruhining shu’ba korxonasi hisoblanadi. TBC PLC London fond birjasida TBCG belgisi ostida kotirovka qilinadi va FTSE 250 indeksiga* kiradi. Shuningdek, u FTSE4Good indekslari seriyasi va MSCI United Kingdom Small Cap indeksi a’zosi hisoblanadi.
TBC Bank o‘zining shu’ba kompaniyalari bilan birgalikda Gruziyaning yetakchi universal bank guruhi sanaladi. Gruziya milliy banki chop etgan ma’lumotlarda bank 2022-yilning 31-dekabri holatiga ko‘ra, bozordagi 39,5 foizmijozlar kreditlari va 40,3 foiz mijozlar depozitlari ulushiga ega.
2020-yil TBC PLC O‘zbekistonda faoliyatini kengaytirib, o‘zining innovatsion finteks-platformasi yordamida mobil ilova orqali mijozlarga chakana bank xizmatlarini ko‘rsatishni boshladi.
*London fond birjasida kotirovka qilinuvchi 101-350 ta yirik kompaniyadan tashkil topgan kapitalizatsiya bo‘yicha hisob-kitob qilingan indeks.
IFC
IFC – Jahon banki guruhiga kiruvchi, faoliyati rivojlanayotgan bozorlarning xususiy sektoriga yo‘naltirilgan yirik global taraqqiyot instituti. IFC 100 dan ortiq mamlakatlarda faoliyat yuritadi. 2022-yilda kompaniya rivojlanayotgan davlatlardagi xususiy korxonalar va moliyaviy muassasalarga rekord darajadagi 32,8 mlrd AQSH dollari ajratdi. Ushbu mablag‘lar qashshoqlikni tugatish va umumiy farovonlikni oshirishga yo‘naltirildi. Batafsil ma’lumotni www.ifc.com saytidan olishingiz mumkin.
EBRD (Yevropa tiklanish va taraqqiyot banki)
YTTB uchta qit’adagi 38 ta mamlakatda tadbirkorlik faoliyatini rivojlantirishga ko‘maklashib keladi. Tashkilotning investitsiyalari bank faoliyat yuritayotgan mintaqalarning iqtisodiyotini raqobatbardosh, inklyuziv, ekologik va barqaror qilishga yo‘naltirilgan. Bugungi kunga kelib YTTB O‘zbekistondagi 129 ta loyihaga 4,126 mln yevro jalb qildi.
Reklama huquqi asosida.
Izoh (0)