2023 йил 31 март куни TBC Bank Uzbekistan узоқ муддатли молиялаштириш режаси доирасида ўз аксионерларидан 28,1 миллион доллар миқдоридаги қўшимча инвестиция жалб қилди.
a.jpg)
Тақсимлаш TBC PLC, EBRD (Европа тикланиш ва тараққиёт банки) ва IFC’нинг (Халқаро молия корпорацияси) жорий улушларига мувофиқ амалга оширилди. 2020 йилдан бери TBC Uzга жалб қилинган инвестицияларнинг умумий суммаси 107 миллион долларни ташкил қилмоқда. Яқин келажакда сармоя киритишнинг яна бир босқичини амалга ошириш режалаштирилган.
“Хорижий акционерлар томонидан банк секторига бу каби йирик сармоя киритилиши банкнинг шиддат билан ривожланаётган молиявий муассаса сифатида тан олинганидан дарак. Бу бизга фаолиятимизни кенгайтиришга, иловамизнинг барқарорлиги ва ишончлилигини оширишга имкон яратади. Мамлакатнинг олис ҳудудларида янада кўпроқ банк хизматлари тақдим этилади. Шунингдек, капитал жалб қилиниши TBC Uz йирик бўлмаган банкдан катта миқёсдаги лойиҳага айланганини англатади. Бу эса, ўз навбатида, банкимизнинг Ўзбекистон бозоридаги ўрнини янада мустаҳкамлайди”, – деди TBC Bank Uzbekistan бошқарув раиси Спартак Тетрашвили.
2022 йил TBC Bank Uzbekistan учун омадли келди. Компания зарар кўрмаслик нуқтасига чиқди, рекорд даражада қисқа муддат ичида даромад кўришни бошлади, янги маҳсулотларни ишга туширди ва бошқа кўплаб ютуқларга эришди.
TBC Bank Uzbekistan Грузия етакчи банк гуруҳининг холдинг корхонаси ҳисобланган TBC Bank Group шуъба компаниясининг бир қисми саналади. Банк чакана фойдаланувчилар учун пул ўтказмалари, кредитлар, муддатли тўлов, банк карталари, онлайн-илова орқали ҳисобварақларни тўлаш каби кўплаб рақамли хизматларни тақдим этиб келади.
Кўпроқ маълумотни бизнинг ижтимоий тармоқларимиздан олишингиз мумкин:
TBC PLC
TBC Bank Group PLC (TBC PLC) Англия ва Уэлсда рўйхатдан ўтган масъулияти чекланган оммавий компания ҳисобланади. TBC PLC TBC Bank АЖ (TBC Bank) ва асосан Грузиянинг молиявий сектори ҳамда у билан чамбарчас боғлиқ бўлган соҳаларда фаолият юритувчи компаниялар гуруҳининг шуъба корхонаси ҳисобланади. TBC PLC Лондон фонд биржасида TBCГ белгиси остида котировка қилинади ва FTSE 250 индексига* киради. Шунингдек, у FTSE4Good индекслари серияси ва МSSI United Кингдом Смалл Cап индекси аъзоси ҳисобланади.
TBC Bank ўзининг шуъба компаниялари билан биргаликда Грузиянинг етакчи универсал банк гуруҳи саналади. Грузия миллий банки чоп этган маълумотларда банк 2022 йилнинг 31 декабри ҳолатига кўра, бозордаги 39,5 фоизмижозлар кредитлари ва 40,3 фоиз мижозлар депозитлари улушига эга.
2020 йил TBC PLC Ўзбекистонда фаолиятини кенгайтириб, ўзининг инновацион финтекс-платформаси ёрдамида мобил илова орқали мижозларга чакана банк хизматларини кўрсатишни бошлади.
*Лондон фонд биржасида котировка қилинувчи 101-350 та йирик компаниядан ташкил топган капитализация бўйича ҳисоб-китоб қилинган индекс.
IFC
IFC – Жаҳон банки гуруҳига кирувчи, фаолияти ривожланаётган бозорларнинг хусусий секторига йўналтирилган йирик глобал тараққиёт институти. IFC 100 дан ортиқ мамлакатларда фаолият юритади. 2022 йилда компания ривожланаётган давлатлардаги хусусий корхоналар ва молиявий муассасаларга рекорд даражадаги 32,8 млрд АҚШ доллари ажратди. Ушбу маблағлар қашшоқликни тугатиш ва умумий фаровонликни оширишга йўналтирилди. Батафсил маълумотни www.ifc.com сайтидан олишингиз мумкин.
EBRD (Европа тикланиш ва тараққиёт банки)
ЕТТБ учта қитъадаги 38 та мамлакатда тадбиркорлик фаолиятини ривожлантиришга кўмаклашиб келади. Ташкилотнинг инвестициялари банк фаолият юритаётган минтақаларнинг иқтисодиётини рақобатбардош, инклюзив, экологик ва барқарор қилишга йўналтирилган. Бугунги кунга келиб ЕТТБ Ўзбекистондаги 129 та лойиҳага 4,126 млн евро жалб қилди.
Реклама ҳуқуқи асосида.
Изоҳ (0)