“PSJ” hujumchisi Kilian Mbappe “Real”ga o‘tishga qaror qildi.
AS nashrining xabariga ko‘ra, fransuz “Madrid”da o‘ynash orzusini amalga oshirish vaqti keldi deb hisoblaydi. U yozdayoq klubni tark etishni istaydi, shu bilan birga parijliklar amaldagi shartnoma sabab, qo‘yib yubormasligini ham biladi.
Mbappe “Real” vakillariga 2024-yilda erkin agent sifatida jamoaga o‘tishini ma’lum qilgan. Kilian “PSJ” bilan shartnomasini bir yilga uzaytirish huquqiga ega, biroq futbolchini buni xohlamaydi.
24 yoshli futbolchining atrofidagilari so‘zlariga ko‘ra, uning “Real”ga o‘tishiga hech kim va hech narsa to‘siq bo‘la olmaydi. Mbappe mavsum oxirida madridliklar safiga o‘tishini xabar qilish uchun “PSJ” xo‘jayinlari bilan uchrashishni reja qilgan.
“Qaymoqranglilar” Kilianni o‘z safiga qo‘shib olishga tayyor. Agar futbolchi erkin agent sifatida jamoaga qo‘shilsa, “PSJ” bilan muzokaralarga hojat qolmaydi.
Izoh (0)