Ramazon oyi munosabati bilan Shavkat Mirziyoyev nomiga xorijiy mamlakatlarning davlat va hukumat rahbarlari, taniqli davlat va din arboblaridan qutlovlar kelmoqda. Bu haqda Prezident matbuot xizmati xabar qildi.
Tabriknomalarda xorijiy hamkorlar prezident va ko‘p millatli O‘zbekiston xalqiga o‘zining chuqur hurmat-ehtiromini bildirib, tinchlik-osoyishtalik, taraqqiyot va ravnaq yo‘lida yangi muvaffaqiyatlar tilagan.
Jumladan, quyidagilar o‘z tabriklarini yo‘llagan:
- Saudiya Arabistoni podshohi Salmon bin Abdulaziz Ol Saud;
- Saudiya Arabistoni valiahdi, Vazirlar Kengashi raisi Muhammad bin Salmon bin Abdulaziz Ol Saud;
- Turkiya prezidenti Rajab Toyyib Erdog‘on;
- Misr prezidenti Abdulfattoh as-Sisi;
- Eron prezidenti Ibrohim Raisiy;
- BAA prezidenti Muhammad bin Zoid Ol Nahayon;
- BAA vitse-prezidenti, bosh vaziri, Dubay amirligi hokimi Muhammad bin Roshid Ol Maktum;
- Kuvayt amiri Tamim bin Hamad Ol Taniy;
- Kuvayt amiri o‘rinbosari Abdulloh bin Hamad Ol Taniy;
- Iordaniya podshohi Abdulla II;
- Falastin prezidenti Mahmud Abbos;
- Islom hamkorlik tashkiloti bosh kotibi Husayn Ibrohim Toha;
- Turkiy davlatlar tashkiloti bosh kotibi Kubanichbek Omuraliyev;
- Kavkaz musulmonlari idorasi raisi, shayxulislom Ollohshukur Poshshozoda.
Qutlovlar kelishda davom etmoqda.
Izoh (0)