Andijon viloyati Jalaquduq tumanida yashovchi fuqaro A.T. bir nafar voyaga yetmagan farzandining moddiy taʼminoti uchun undirilishi belgilangan aliment o‘rniga uch xonali uy sovg‘a qildi. Bu haqda «Daryo» ga MIB viloyat boshqarmasi axborot xizmati xabar bermoqda.
Qayd etilishicha, Fuqarolik ishlari bo‘yicha Xo‘jaobod tumanlararo sudining 2019-yil 13-iyundagi ijro hujjatiga asosan qarzdor A.T. dan undiruvchi M.M. foydasiga bir nafar voyaga yetmagan farzandining moddiy taʼminoti uchun aliment undirish belgilangan.
Byuroning Jalaquduq tuman bo‘limi davlat ijrochisi Akromxo‘ja Ibraimxo‘jayevning taʼkidlashicha, bo‘lim tomonidan mazkur ijro hujjati bo‘yicha qarzdor A.T. dan aliment to‘lovlari o‘z vaqtida undirib kelingan. Uning aliment to‘lovlaridan qarzi mavjud bo‘lmasada sobiq turmush o‘rtog‘iga farzandining kelajagi uchun u voyaga yetgunga qadar to‘lanadigan aliment pullari o‘rniga uy berishini maʼlum qilgan. Kelishuvga asosan qarzdor undiruvchiga tumanning Birlashgan mahallasida joylashgan 3 xonali xonadonning hujjatlarini rasmiylashtirib bergan.
Izoh (0)