Kanadalik 33 yoshli xonanda The Weeknd ikkita jahon rekordini o‘rnatdi. U Spotify’da oylik tinglovchilar soni bo‘yicha birinchi o‘rinni egalladi va musiqa platformasida oylik tinglovchilar soni 100 milliondan oshgan birinchi xonandaga aylandi.
Platforma maʼlumotlariga ko‘ra, sanʼatkorning 2020-yilda chiqargan Blinding Lights qo‘shig‘i Spotify’da barcha davrlarning eng ko‘p eshitilgan treki hisoblanadi. Bugungi kunga qadar ushbu taronani 3,47 milliard odam tinglagan.
Ma’lumot uchun, The Weeknd 1990-yilning 16-fevral sanasida Kanadada tug‘ilgan. U 2017-yilda Forbes reytingida 30 yoshgacha bo‘lgan eng ko‘p maosh oluvchi sport va shou-biznes yulduzlari reytingida birinchi o‘rinni egalladi. Nashr maʼlumotlariga ko‘ra, uning yillik daromadi 92 million dollarni tashkil etadi.
Izoh (0)