Суперлига. “Пахтакор” ўз майдонида “Навбаҳор”ни енгиб, мавсумдаги дастлабки ғалабасини қўлга киритди

Футбол бўйича Ўзбекистон Суперлигасининг 3-турида “Пахтакор” 17 март, жума куни “Навбаҳор”га қарши баҳс олиб борди.

Учрашувнинг иккинчи дақиқасидаёқ Фаррух Сайфиев мезбонларнинг дастлабки голини урди. Бунга Наманган шаҳри вакиллари 23-дақиқада Темурхўжа Абдухолиқовнинг пенальтидан урган голи билан жавоб қайтарди.

68-дақиқада Драган Черан жарима майдони ичига узатилган тўпга боши билан зарба бериб, “шерлар”ни яна ҳисобда олдинга олиб чиқди. 80-дақиқада Даврон Ҳошимов қўпол ҳаракати учун тўғридан тўғри қизил карточкага лойиқ кўрилди.

Ҳакам томонидан қўшиб берилган вақтда “Навбаҳор” ҳисобни тенглаштириши мумкин эди, бироқ Йован Жокичнинг пенальтидан йўллаган зарбасини дарвозабон бартараф этишга эришди.

Шу тариқа “Пахтакор” кетма-кет икки мағлубиятдан кейин мавсумдаги илк ғалабасини нишонлади. Аввалги икки турда ғалаба қозонган “Навбаҳор” (6) эса ҳамон пешқадам бўлиб турибди.

Суперлига

3-тур баҳси

17 март, жума

“Пахтакор” – “Навбаҳор” 2:1

Голлар: 1:0 – 2 Сайфиев, 1:1 – 23, пенальти Абдухолиқов, 2:1 – 68 Черан.

“Пахтакор”: 35.Санжар Қувватов, 3.Ҳожиакбар Алижонов, 4.Достон Турсунов, 5.Муҳаммадқодир Ҳамралиев, 7.Одил Ҳамробеков, 8.Азиз Турғунбоев (17.Достон Ҳамдамов, 85), 10.Драган Черан, 27.Сардор Собирхўжаев (15.Гиорги Папава, 90+5), 28.Диёр Холматов (19.Пшемислав Банашак, 63), 34.Фаррух Сайфиев, 88.Шаҳзод Азмиддинов.

“Навбаҳор”: 1.Ўткир Юсупов, 5.Милош Милович, 7.Остон Ўрунов (77.Асадбек Собиржонов, 73), 8.Жасур Яхшибоев (17.Аброр Исмоилов, 75), 10.Жамшид Искандаров (9.Фаррух Икромов, 82), 14.Жамшид Болтабоев, 21.Темурхўжа Абдухолиқов (11.Шоҳруз Норхонов, 73), 22.Игор Голбан, 23.Йован Жокич, 24.Даврон Ҳошимов, 31.Лука Чермел.

Огоҳлантиришлар: Турсунов (6), Сайфиев (22), Ўрунов (27), Жокич (33), Ҳамробеков (39), Чермел (52), Болтабоев (90+9).

Четлатиш: Ҳошимов 80).