Uzbekistan Airways “Yoshlar turizmi haftaligi” o‘tkazilishi munosabati bilan 21 foizlik chegirma e’lon qildi.
Aviakompaniya matbuot xizmatining xabar qilishicha, ushbu chegirma 12 yoshdan 30 yoshgacha bo‘lgan (O‘zbekiston fuqarosi) maktab o‘quvchilari, talabalar va yoshlar uchun 23—31-mart kunlari mahalliy yo‘nalishlardagi aviaqatnovlarning ekonom klass tariflariga beriladi.
Aviachipta qaytarilganda/qayta bronlashtirilganda/qayta rasmiylashtirilganda tarifga taqdim etilgan chegirma aviachiptani qaytarish/qayta bronlashtirish uchun undiriladigan yig‘imlarga nisbatan qo‘llanmaydi. Qisman foydalanilgan aviachipta pulini chegirma tugagandan keyingi kunda qaytarmoqchi bo‘lgan yo‘lovchi chegirma amal qilgan kunda sotib olgan miqdorda qaytarib oladi.
To‘liq foydalanilmagan yoki qisman foydalanilgan aviachiptalarni qayta rasmiylashtirganda, agar jo‘nash sanalaridan biri chegirma tugagan vaqtdan keyinga to‘g‘ri kelmasa, to‘liq tarif darajasiga chegirmalar qo‘llanmaydi.
Chegirmali aviachiptalarni rasmiylashtirish uchun faqatgina Uzbekistan Airways Sales yoki uning agentlariga murojaat qilish lozim.
Izoh (0)