Uzbekistan Airways “Ёшлар туризми ҳафталиги” ўтказилиши муносабати билан 21 фоизлик чегирма эълон қилди.
Авиакомпания матбуот хизматининг хабар қилишича, ушбу чегирма 12 ёшдан 30 ёшгача бўлган (Ўзбекистон фуқароси) мактаб ўқувчилари, талабалар ва ёшлар учун 23—31 март кунлари маҳаллий йўналишлардаги авиақатновларнинг эконом класс тарифларига берилади.
Авиачипта қайтарилганда/қайта бронлаштирилганда/қайта расмийлаштирилганда тарифга тақдим этилган чегирма авиачиптани қайтариш/қайта бронлаштириш учун ундириладиган йиғимларга нисбатан қўлланмайди. Қисман фойдаланилган авиачипта пулини чегирма тугагандан кейинги кунда қайтармоқчи бўлган йўловчи чегирма амал қилган кунда сотиб олган миқдорда қайтариб олади.
Тўлиқ фойдаланилмаган ёки қисман фойдаланилган авиачипталарни қайта расмийлаштирганда, агар жўнаш саналаридан бири чегирма тугаган вақтдан кейинга тўғри келмаса, тўлиқ тариф даражасига чегирмалар қўлланмайди.
Чегирмали авиачипталарни расмийлаштириш учун фақатгина Uzbekistan Airways Sales ёки унинг агентларига мурожаат қилиш лозим.
Изоҳ (0)