Мисрнинг Кена провинциясида археологик қазишмалар пайтида сфинкс ҳайкали топди. Бу ҳақда мамлакат Туризм ва қадимий ашёлар вазирлиги хабар берди.
Қазишмалар Айн Шамс университетининг археологик миссияси томонидан олиб борилган. Археологик экспедиция февраль ойининг ўрталарида бошланган ва аллақачон бир қанча топилма аниқланган. Мутахассислар томонидан Дендера ибодатхоналари мажмуаси яқинида олиб борилган тозалаш ишлари давомида Рим империяси давридаги павильон ва сфинкс ҳайкали топилган.
.jpg)
Олимларнинг фикрича, Дендера ибодатхонасида аниқланган ҳайкалнинг яратувчилари Рим императори Клавдийдан илҳомланган бўлиши мумкин. Ҳайкал остида Рим империяси даврида иероглифлар билан бўялган плита аниқланган. Сфинкс юзи аниқ акс этган, жилмайган лабда бўёқ излари сақланиб қолган.
Топилма 20 метр баландликдаги Гиза пирамида мажмуасидаги сфинксдан анча кичикроқ. Бундай топилмалар одатда Миср ҳукумати томонидан кўпроқ сайёҳларни жалб қилиш умидида эълон қилинади, бу нақд пул тақчиллигидаги мамлакат учун муҳим валюта манбаидир.
Изоҳ (0)