Do‘kon rastalarida terini parvarish qilish uchun turli tuman kosmetika mahsulotlariga duch kelasiz. Biroq har kim ham professional kosmetologga murojaat qilmasdan turib qanday krem kerakligini aniq ayta olmaydi. Quyidagi tavsiyalarni o‘qib chiqqandan so‘ng, albatta, parvarish kosmetikasini o‘zingiz bilib olasiz.
Tarjimadagi qiyinchiliklar
Demak, boshlaymiz. Kremning qadog‘iga qarasangiz, aksar hollarda ingrediyentlar ingliz tilida yozilganligini ko‘rish mumkin. Darhaqiqat, Kosmetik ingredientlarning xalqaro nomenklaturasi (INCI — International Nomenclature of Cosmetic Ingredients) bo‘yicha lotin tilida yozilgan. Boshqacha qilib aytganda, butun dunyo bo‘ylab kosmetika “INCI tilida” “so‘zlashadi”. Bir qarashda tushunish qiyin, salgina harakat bilan siz bu tilni o‘zlashtira olasiz.
Asosiy komponentlar: har bir kremda bor!
Kremlarning tarkibi ma’lum miqdordagi komponentlarni o‘z ichiga oladi. Aynan:
- Suv;
- Quyuqlashtiruvchi moddalar va tuzilmalar (kremning tuzilishini barqarorlashtiruvchi komponentlar);
- Yog‘lar;
- Biologik faol moddalar;
- Parfyum tarkibi;
- Konservantlar.
Har qanday kosmetik mahsulot tarkibida ko‘rsatilgan ingredientlar maxsus tarzda joylashtiriladi: birinchi navbatda kremdagi tarkibi maksimal bo‘lgan modda, keyin esa konsentratsiyaning kamayish tartibida. Tarkibi 1 foiz yoki undan kam bo‘lgan ingredientlar istalgan tartibda ro‘yxatga olinishi mumkin. Ushbu tamoyil barcha kosmetik kompaniyalar tomonidan istisnosiz ravishda qo‘llaniladi.
Ro'yxatning yuqori qismida tushunarsiz ingredientlarni ko‘ramiz, ammo ular kremga kerakli konsistensiyani, so‘rilish tezligini va hissiyligini (sevimli mahsulotimizni qo‘llashda bizga yoqadigan narsani) beradi.
O‘rtada esa terini oziqlantiradigan turli xil tabiiy yog‘lar belgilanadi. So‘ng biologik faol moddalar. Bu innovatsion komponentlar (peptidlar, vitaminlar) yoki sizga tanish komponentlar, masalan, ekstraktlar. Ular ehtiyojlaringizga qarab namlash, ajinlarni ketkazish, antioksidant himoya qilish, yoshga bog‘liq dog‘larni olib tashlash va hokazo bo‘yicha marketing talablarini bajaradi.
Faol moddalardan keyin parfyumeriya tarkibi keladi. Bu kosmetik mahsulotga yoqimli hid beradi. Buning ortidan konservantlar va nihoyat — alergenlar joy oladi.
Quruq teri uchun kremlar
Agar sizning teri quruq bo‘lsa, birinchi navbatda kompozitsiyadagi yog‘larga e’tibor qarating. Chunki turli xil tabiiy yog‘lar ko‘p miqdordagi yog‘ kislotalarini o‘z ichiga oladi. Ular teri chegarasining yaxlitligini saqlaydi, ya’ni ular namlik yo‘qolishini kamaytiradi. Krem qadog‘idan quyidagi yog‘larni qidiring: kungaboqar yog‘i (Helianthus Annuus (Sunflower) Seed Oil), zaytun (Olea Europaea (Olive) Fruit Oil), Jojoba (Simmondsia Chinensis (Jojoba) Seed Oil), shi (Butyrospermum Parkii (Shea) Butter) va kokos (Cocos Nucifera (Coconut) Oil).
Tabiiy yog‘larga qo‘shimcha ravishda terida namlikni saqlaydigan ingredientlar bilan yaxshilash mumkin. Gialuron kislotasi (gialuron kislotasi yoki natriy gialuronat yoki gidrolizlangan gialuron kislotasi), karbamid va glitserin kabi. Tarkibiga keramid qo‘shilgan kremlarga ham e’tibor bering: Fosfolipidlar va Sfingolipidlar yoki Seramidlarni qidiring.
Yog‘li va aralash teri uchun kremlar
Bunday turdagi teri uchun yaxshi so‘riladigan yog‘lar kerak: uzum danagi yog‘i (Vitis Vinifera (Grape) Seed Oil), shirin bodom yog‘i (Prunus Amygdalus Dulcis (Sweet Almond) Oil), shaftoli yog‘i (Prunus Persica (Peach) Kernel Oil), nim yog‘i (Melia Azadirachta Seed Oil) va o‘rmon yong‘og‘i yog‘i (Corylus Avellana (Hazelnut) Seed Oil). Krem tarkibida yog‘larning mavjudligi tashvishga solmasin — yog‘li teriga ham tabiiy yog‘lar zarur, chunki ular sebum(teri qavati)ga ijobiy ta’sir ko‘rsatadi.
Faol moddalar orasida (ro‘yxatning o‘rtasida va undan tashqarida) sebumni tartibga soluvchi ingredientlarni qidiring, masalan, kalendula ekstrakti (Calendula Officinalis Flower Extract), eman ekstrakti (Quercus Robur Wood Extract), hamamelis ekstrakti (Hamamelis Virginiana (Witch Hazel) Leaf Extract) yoki zanjabil (Zingiber Officinale (Ginger) Root Extract). Ammo ro‘yxatning yuqori qismida Dimetikon / Vinil Dimetikon Krosspolimer yoki Metil Metakrilat Krosspolimer kabi funktsional komponentlar borligiga e’tibor bering. Bu ortiqcha yog‘ni o‘zlashtiradigan va yog‘li ko‘rinishining oldini oluvchi, maxsus sirtli o‘zaro bog‘langan polimerlardir.
Oddiy teri uchun kremlar
Ushbu turdagi terini parvarish qilganda, yog‘lar terini o‘rtacha darajada oziqlantiradi va namlaydi. O‘rik danagi yog‘i (Prunus Armeniaca (Apricot) Kernel Oil), avakado yog‘i (Persea Gratissima (Avocado) Oil) yoki kakao moyi (Theobroma Cacao (Cocoa) Seed Butter) sizga mos kelishi mumkin. Allaqachon ma’lum bo‘lgan namlovchi ingredientlarga qo‘shimcha ravishda, tabiiy namlantirgich (betain) moddasini qidiring.
Ta’sirchan teri uchun kremlar
Ayniqsa, ta’sirchan va nozik teri egalari kompozitsiyani diqqat bilan o‘qib chiqishlari lozim. Bunday teri uchun kosmetika tarkibida tinchlantiruvchi, qizarishni yengillashtiradigan va himoya funksiyalarini kuchaytiradigan komponentlar mavjud. Tinchlantiruvchi ingredientlar orasidan romashka ekstrakti (Chamomilla Recutita (Matricaria) Flower Extract) va allantoin, shuningdek, pantenolni qidiring — bu qizarishni yengillashtiradi.
Shi yog‘i (Butyrospermum Parkii (Shea) Butter) va o‘rik danagi yog‘i (Prunus Armeniaca (Apricot) Kernel Oil) nozik terini mustahkamlashga yordam beradi. Parfyumeriya tarkibida mavjud bo‘lgan allergenlarni sanab o‘tadigan ro‘yxatning oxiriga e’tibor qaratish lozim. Agar kosmetika mahsuloti gipoallergenik bo‘lmasa, unda ushbu ingredientlardan saqlaning: Linalool, Citronellol, Heksil Cinnamal, Butilfenil Metilpropional, Geraniol, Eugenol kabi. Ushbu moddalar eng ko‘p allergik reaksiyaga sabab bo‘ladi.
Ajinlar uchun krem
Ajinlar uchun krem tanlayotganda argan yog‘i (Argania Spinosa Kernel Oil) bo‘lgan mahsulotni topishga harakat qiling. Faol moddalar orasida, gialuron kislotasidan tashqari, peptidlar va vitaminlarga e’tibor bering. Peptidlar orasida Tetrapeptid-7, Palmitoil Dipeptid-10, Palmitoil Tripeptid-1 va boshqalar mavjud bo‘lishi kerak. Vitaminlar tarkibiga vitamin C (natriy askorbil fosfat) va E vitamini (tokoferil asetat) kiradi. Ko;pincha ular tarkibiy qismning oxiriga yaqinroq joylashadilar, chunki ular konsentratsiyada kichik faollikka ega.
Nihoyat, kosmetik mahsulot tarkibining eng oxirida biz konservantlarga keldik. Konservantlarni kiritish foizi cheklangan va bu qonun bilan tartibga solinadi, shuning uchun ular oxirida tarkibda keltiriladi. Konservantlar mukammal antibakterial xususiyatlarga ega, bu sizga uzoq vaqt davomida tabiiy ingredientlarga boy kosmetik mahsulotni saqlab qolish imkonini beradi. Eng keng tarqalgan parabenlar Metilparaben va Propilparabendir. Parabensiz kosmetika muxlislari fenoksietanol, etilheksilgliserin, kaprilil glikol va heksilen glikol konservantlarini izlashlari kerak.
Va endi kremning tarkibiga qayta ko‘z tashlang va uni “o‘qishga” harakat qiling!
Mavzuga doir:
Izoh (0)