Central Asian University AKFA Medline University Hospital bilan hamkorlikda Markaziy Osiyodagi eng zamonaviy tibbiy rezidentura dasturlaridan biriga arizalarni qabul qilishni davom ettirmoqda. Ishtirokchilarga xalqaro standartlar bo‘yicha ta’lim olish, ilg‘or tibbiy texnologiyalardan foydalanish, xorijda amaliyot o‘tash va to‘liq ta’lim to‘lovi hamda oylik maoshni o‘z ichiga olgan 110% lik grant dasturiga da’vogarlik qilishdek ajoyib imkoniyat taqdim etiladi.
Zamonaviy tibbiyot shifokorlardan chuqur amaliy ko‘nikmalar, innovatsion texnologiyalarni o‘zlashtirish va ilmiy tahlil qobiliyatini talab qiladi.
CAU rezidentura dasturi — O‘zbekiston va undan tashqarida sog‘liqni saqlash sohasiga ilg‘or yondashuvlarni joriy etishga qodir bo‘lgan yangi avlod shifokorlari uchun to‘laqonli kasbiy start hisoblanadi.
Central Asian Universityʼning 2025-yilgi rezidentura dasturiga bo‘lgan qiziqish uning o‘z yo‘nalishida tengsiz ekanligini tasdiqlaydi: 30 ta o‘ringa 430 dan ortiq ariza topshirilgan. Bir o‘rin uchun tanlov o‘rtacha 14 kishini tashkil etadi, ayrim yo‘nalishlar bo‘yicha esa 70 dan ortiq da’vogar mavjud.
Raqobatning bunday yuqori darajasi dasturning nufuzi va O‘zbekiston hamda xorijiy mamlakatlarning yosh shifokorlari tomonidan universitetga bo‘lgan ishonchni namoyish etadi.
Rezidentura dasturiga qabul sog‘liqni saqlash sohasida jahon yetakchilari qatoriga kiruvchi AQShning akademik tibbiyot markazi bilan hamkorlikda amalga oshiriladi. Dasturning barcha elementlari — o‘qitish tuzilmasidan tortib tanlov mezonlarigacha — uning talablari va shifokorlarni tayyorlashning xalqaro standartlariga muvofiq ishlab chiqilgan. Bu bitiruvchilarga O‘zbekistonda ham, xorijda ham ishonch bilan karyera qurish imkonini beradi.
“Biz eng yaxshilar orasida eng yaxshisini izlamoqdamiz — rivojlanishga, ilg‘or texnologiyalarni o‘zlashtirishga, tadqiqotlar bilan shug‘ullanishga va tibbiyot kelajagining bir qismiga aylanishga tayyor bo‘lganlarni. Biz uchun son emas, sifat muhim: biz shunchaki ta’lim emas, balki xalqaro darajadagi yetuk mutaxassis bo‘lish imkoniyatini taklif etamiz”, deydi Central Asian University rektori Kamran Gulamov.
Dasturning o‘ziga xosligi
Dastur diplomdan keyingi tibbiy ta’limning xalqaro standartlariga muvofiq ishlab chiqilgan. Ta’lim yo‘nalishiga qarab 4 yoki 5 yil davom etadi. Birinchi kundan boshlab rezidentlar klinikalarda amaliyotni boshlaydilar, haqiqiy bemorlar bilan ishlaydigan jamoalarning bir qismiga aylanadilar.
Ta’lim to‘liq ingliz tilida olib boriladi va quyidagilarni o‘z ichiga oladi:
- Amaliyotchi shifokorlardan shaxsiy yo‘l-yo‘riq (1:1)
- Yetakchi muassasalar negizida amaliyot o‘tash
- Zamonaviy texnologiyalardan foydalanish imkoniyati: robotlashtirilgan jarrohlik, 3D rejalashtirish, sun’iy intellekt diagnostikasi
- Simulyatsiya markazlarida o‘qitish
- Majburiy xalqaro amaliyotlar: Buyuk Britaniya, Germaniya, Janubiy Koreya, AQSH
- Nashr qilish va konferensiyalarda ishtirok etish imkoniyati bilan ilmiy-tadqiqot ishlari
Tayyorgarlik yo‘nalishlari
- Umumiy jarrohlik - 4 yil
- Kardiojarrohlik - 5 yil
- Kardiologiya va intervension kardiologiya - 4 yil
- Akusherlik va ginekologiya - 4 yil
- Urologiya - 4 yil
- Ortopedik jarrohlik - 4 yil
- Nevrologiya - 4 yil
- Otorinolaringologiya (LOR) - 4 yil
- Rekonstruktiv jarrohlik - 4 yil
- Radiologiya - 4 yil
- Anesteziologiya - 4 yil
- Oftalmologiya - 4 yil
Klinik amaliyot AKFA Medline University Hospital negizida, shuningdek, ixtisoslashtirilgan muassasalarda: neyromarkazlar, urologiya, oftalmologiya va LOR klinikalari, vizual diagnostika, intensiv terapiya, travmatologiya va rekonstruktiv jarrohlik bo‘limlarida o‘tkaziladi.
“Ushbu dastur klinik amaliyotda ham, ilmiy muhitda ham ishonch bilan harakat qiladigan shifokorlarni shakllantiradi. Biz nafaqat davolashni o‘rgatamiz, balki yangi avlod yetakchilarini tarbiyalaymiz”.
— Doktor Azimjon Tursunqulov, tibbiyot fanlari nomzodi (PhD)
Assotsiatsiyalashgan professor, urolog-shifokor, Yevropa urologlar assotsiatsiyasi endourologiya seksiyasining xalqaro a’zosi
Grantlar va tanlov
2025-yilda jami 30 ta o‘rin ko‘zda tutilgan bo‘lib, ulardan 25 tasi AKFA Group’ning noyob "110% grant" tashabbusi doirasida to‘liq moliyalashtiriladi.
- Ta’lim xarajatlarini to‘liq qoplash (yiliga 50 000 dollargacha)
- Kafolatlangan oylik maosh
- Xalqaro amaliyotlar
- Ilmiy faoliyat va nashrlarni qo‘llab-quvvatlash
Topshirish muddatlari va saralash bosqichlari
- Arizalarni qabul qilish muddati: 2025-yil 30-iyun
- Suhbat va kirish imtihonlari: 2025-yil 16-iyuldan 15-avgustgacha
- Natijalarni e’lon qilish: 2025-yil 27-avgust
Qabul komissiyasining aloqa maʼlumotlari:
+998 71 200 05 22
+998 71 208 12 34
Hujjatlar www.centralasian.uz saytida onlayn tarzda qabul qilinadi.
Reklama huquqi asosida.
Izoh (0)