Toshkent viloyati Ohangaron shahrida zapravkalarning birida Hyundai yonib ketdi. Bu haqda Favqulodda vaziyatlar vazirligi axborot xizmati xabar berdi.
Xabarga ko‘ra, 2-mart kuni soat 13:32 da “Qo‘rg‘on” MFY A-373 avtomagistral yo‘lida joylashgan avtomobillarga gaz to‘ldirish shoxobchasi hududida Hyundai’da yong‘in yuzaga kelgan.
1 ta yong‘in-qutqaruv ekipaji soat 13:38 da voqea joyiga yetib borib, yong‘in soat 13:41 da o‘rab olingan va soat 13:44 da o‘chirilgan.
Yong‘in natijasida avtomobilning motor va salon qismi yonib zararlangan. Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.
Izoh (0)