Qirg‘iziston mamlakat hududida fuqarolarning pasportlari va milliy valyuta banknotalarini chop etishni boshlaydi. Bu haqda mamlakat rahbari Sadir Japarovga tayanib, Sputnik Qirg‘iziston xabar berdi.
Japarov buni amalga oshirish uchun “Uchkun” davlat bosmaxonasi barcha zamonaviy jihozlar bilan ta’minlanganini ta’kidladi.
“Bundan buyon xususiy korxonada birorta ham davlat qog‘ozi chop etilmasligi kerak. Faqat ‘Uchkun’da bu amalga oshiriladi. 100 foiz o‘zimiz uddalay olamiz. Barcha kerakli jihozlarni sotib oldik va o‘rnatdik. Endi o‘zimiz pul bosamiz, may oyidan pasport chop etishni boshlaymiz. Bungacha pasport blankalari, texnik pasportlar, haydovchilik guvohnomalari xususiy korxonalar tomonidan berilardi. Buning uchun davlat 15 milliard som to‘lagan bo‘lsa, undan bir tiyin ham soliq yoki boshqa daromadlar ko‘rinishida budjetga tushmasdi. Endi faqat ‘Uchkun’da chop etamiz – 3 milliard somga yaqin mablag‘ soliq shaklida g‘aznaga qaytariladi”, — dedi siyosatchi.
Ta’kidlanishicha, bungacha Qirg‘iziston milliy valyutasi som ingliz va fransuz kompaniyalari tomonidan ishlab chiqarilgan.
Izoh (0)