O‘zbekiston mahsulotlarini Qozog‘iston portlari orqali tashish yo‘lga qo‘yilishi mumkin

O‘zbekistonning Aqtov shahridagi bosh konsuli Otabek Tursinbekov Qozog‘istonning “Port Quriq” bosh direktori Serik Axmetov bilan uchrashdi. Bu haqda “Dunyo” agentligi xabar berdi.

Qayd etilishicha, uchrashuvda O‘zbekistonda ishlab chiqarilgan mahsulotlarni ushbu port orqali tashish imkoniyatlari muhokama qilingan.

Serik Axmetovning aytishicha, ayni paytda port infratuzulmasini takomillashtirish maqsadida xalqaro hamkorlar bilan ishlar olib borilmoqda. “‘Port Quriq‘ni kelgusida rivojlantirish uchun bir qator infratuzilma loyihalarini amalga oshirish rejalashtirilgan. Shu jumladan portda ‘Sarja‘ ko‘p funksiyali dengiz terminalini qurish nazarda tutilgan. Ushu vazifalar portning yuk o‘tkazuvchanlik imkoniyatini sezilarli darajada oshiradi”, — deyiladi xabarda.

Portning yuk o‘tkazuvchanlik imkoniyatining kengayishi O‘zbekiston tadbirkorlarining ham Transkaspiy xalqaro yo‘nalishi orqali savdo-iqtisodiy aloqalarining faollashishiga xizmat qiladi.