Britaniyalik aktyor Jud Lou yettinchi marotabada ota bo‘ldi, deb xabar bermoqda “Lisa.ru” nashri.
.jpg)
Jud Lou shaxsiy hayoti haqidagi ma’lumotlarni ommadan yashiradi, biroq jurnalistlar Londondagi Xitrou aeroportida aktyor va uning rafiqasi Filippa Koanni bolalar aravachasini surib ketayotgan holatda suratga olishga muvaffaq bo‘ldi. Jurnalistlar juftlik yana ota-ona bo‘lgan, degan xulosaga keldi. Bu juftlikning ikkinchi farzandi. Aktyorning o‘zi hali bu xabarga munosabat bildirmadi.
Ma’lumot uchun, Jud Lou va Filippa Koan 2019-yilda turmush qurgan. Juftlikning birinchi farzandi 2020-yilda dunyoga keldi. Hozirda 50 yoshda bo‘lgan aktyor olti nafar farzandni tarbiyalayotgan edi. Uning birinchi rafiqasi dizayner Sedi Frost bilan turmushidan uch nafar farzandi bor. Shuningdek, uning boshqa rafiqalaridan yana ikki nafar farzandi bor.
Jud Lou 1972-yilning 29-dekabr sanasida Buyuk Britaniyada tug‘ilgan. Aktyor kinodagi faoliyati davomida “Sherlok Holms”, “Anna Karenina”, “Gattaka”, “Yaqinlik” loyihalarida suratga tushgan. U “Eng yaxshi rol” nominatsiyasida “Oskar” mukofotini qo‘lga kiritgan.
Izoh (0)