Germaniyaning Dyusseldorf shahrida shaxmat bo‘yicha WR Chess Masters musobaqasining 4-tur bahslari 19-fevral, yakshanba kuni bo‘lib o‘tdi.
Mazkur turda o‘zbekistonlik grossmeyster Nodirbek Abdusattorov Rameshbabu Pragnanandhaga qarshi dona surdi. O‘yin durang natija bilan yakun topdi.
Abdusattorov bundan avval Yan Nepomnyashiy bilan durang o‘ynagan, Andrey Yesipenkoni mag‘lub etgan va Levon Aronianga yengilgandi.
O‘zbekistonlik shaxmatchi to‘rtinchi turdan keyin 2 ochko to‘plagan holda to‘rt nafar shaxmatchi bilan 4—7-o‘rinlarni bo‘lishib turibdi. Ro‘yxat yetakchisi Aronian hisobida 3 ochko bor.
Keyingi tur o‘yinlari 21-fevral kunlari bo‘lib o‘tadi. Unda Nodirbek germaniyalik Vinsent Keymerga qarshi dona suradi.
Izoh (0)