Futbol bo‘yicha bo‘yicha Fransiya chempionatining 24-turida “PSJ” 19-fevral, yakshanba kuni “Lill”ni qabul qildi.
Uchrashuv avvalida parijliklar Kilian Mbappe va Neymarning gollari evaziga oldinga o‘tib oldi. 24-daqiqada mehmonlar hisobni qisqartirdi. Ikkinchi bo‘limda “Lill” futbolchilari ketma-ket ikkita to‘p kiritgan holda farqni o‘z foydasi tomonga o‘zgartirdi.
87-daqiqada Mbappe dublni rasmiylashtirgan holda muvozanatni tikladi. Hakam tomonidan qo‘shib berilgan vaqtda Messi jarima zarbasini aniq ijro etgan holda “PSJ”ga g‘alaba olib kelgan golga muallif bo‘ldi.
Shu tariqa “PSJ” ochkolarini 57 taga yetkazib olgan holda birinchi o‘rinni mustahkamladi. “Lill” 41 ochko bilan 6-o‘rinda qoldi.
Uchrashuv ikkinchi bo‘limi debyutida Neymar boldir suyagi bilan tovon suyagini biriktiruvchi bo‘g‘inidan jarohat oldi va maydonni zambilda tark etdi. Qayd etish kerak, fransuz klubi 8-mart kuni Chempionlar Ligasi doirasida “Bavariya”ga qarshi o‘ynaydi.
Liga 1
24-tur bahsi
19-fevral, yakshanba
“PSJ” — “Lill” 4:3
Gollar: 1:0 – 11 Mbappe, 2:0 – 17 Neymar, 2:1 – 24 Diakite, 2:2 – 58, penalti Devid, 2:3 – 69 Bamba, 3:3 – 87 Mbappe, 4:3 – 90+5 Messi.
“PSJ”: Donnarumma, Pembele (Soler, 75), Ramos, Kimpembe, Mendesh (Bernat, 31), Verratti, Fabian Ruis (Danilu Pereyra, 75), Vitinya (Zair-Emeri, 75), Messi, Neymar (Ekitik, 51), Mbappe.
“Lill”: Shevale, Diakite (Gudmundsson, 67), Fonte (Yoro, 14), Tiagu Jalo, Kabella (Num, 88), Andre, Andre Gomesh, Gomes (Virjiniyus, 88), Vea, Bamba, Devid.
Ogohlantirishlar: Diakite (45), Verratti (56), Bamba (64), Mbappe (77), Devid (89), Andre (90).
Izoh (0)