Toshkent shahri Sergeli tumanida 18-fevral kuni yo‘lovchi avtobusi va Lacetti to‘qnashib ketdi. Bu haqda YHXB axborot xizmati xabar berdi.
Ma’lum qilinishicha, soat 06:45 da MAN rusumli avtobus hamda Lacetti avtomashinalari ishtirokida yo‘l-transport hodisasi sodir bo‘lgan. Hodisa oqibatida 3 kishi tan jarohati olgan.
“Holat yuzasidan Toshkent shahar Ichki ishlar bosh boshqarmasi Yo‘l harakati xizmati boshqarmasi mas’ul xodimlari tomonidan surishtiruv harakatlari olib borilmoqda”, deyiladi xabarda.
Izoh (0)