Jizzax shahrida 17-yanvar kuni avtobus 7 ta yengil mashina bilan to‘qnashib ketdi. Bu haqda Yo‘l harakati xavfsizligi xizmati xabar berdi.
Ma’lum bo‘lishicha, “Jizzax avtotrans servis”ga qarashli yo‘lovchi tashuvchi avtobusni yo‘lovchilarsiz boshqarib ketayotgan haydovchi A.N. harakat davomida charchab, uxlab qolgan.
Buning oqibatida rul boshqaruvini yo‘qotib “JizzaxPlasTex” korxonasi oldidagi avtomobillarga yoqilg‘i quyish shoxobchasida o‘zi bilan bir yo‘nalishda oldinda navbat kutib to‘xtab turgan:
- haydovchi Q.A.ga tegishli Damas’ning orqa qismiga kelib urilishi oqibatida avtomobil yo‘lning o‘ng tomon chetiga chiqib ag‘darilib ketgan hamda avtobus harakatini davom ettirib;
- haydovchi T.K.ga tegishli Nexia-2;
- haydovchi T.U.ga tegishli Nexia-2;
- haydovchi Z.Sh.ga tegishli Cobalt;
- haydovchi X.A.ga tegishli Nexia-3;
- haydovchi U.S.ga tegishli Nexia-2;
- haydovchi R.I.ga tegishli bo‘lgan Lacetti’ga, jami 7 ta transport vositalariga to‘qnashib YTH sodir etgan.
“Mazkur YTH yuzasidan Jizzax viloyati IIB JXX YHXB xodimlari tomonidan surishtiruv olib borilmoqda. Barcha haydovchilardan ayni kunlardagi noqulay, anomal sovuq ob-havo sharoitida o‘ta ehtiyotkorlik bilan, oraliq masofani saqlab, tezlikni me’yoridan oshirmasdan harakatlanishlarini so‘raymiz”, — deyiladi xabarda.
Mavzuga doir:
Izoh (0)