Moldova prezidenti Mayya Sandu Rossiya Belarus, Serbiya va Chernogoriya fuqarolarini jalb qilgan holda Moldovadagi hukumat binolariga hujum qilishni va hokimiyatni o‘zgartirishni rejalashtirayotganini aytdi. Bu haqda Newsmaker xabar berdi.
“Moldovaga hujumlar tayyorlanmoqda. Yaqin kelajakdagi rejalar harbiy tayyorgarlikdan o‘tgan diversantlar ishtirokidagi harakatlarni o‘z ichiga oladi, ular ba’zi hukumat binolariga hujum qilib, odamlarni garovga oladi”, — dedi Sandu.
Moldova prezidenti so‘zlariga ko‘ra, bu hujumlar muxolifat tomonidan “konstitusiyaviy tuzum”ni ag‘darib tashlash va mamlakat ustidan nazoratni Rossiyaga berish maqsadida tayyorlanmoqda.
U muxolifat namoyishlari yordamida Rossiya Moldovada davlat to‘ntarishini amalga oshirish va Kishinyovda hukumatni o‘zgartirish niyatidaligini aytdi.
“Ukrainalik hamkorlarimizdan olingan hujjatlarda ushbu qo‘poruvchilik faoliyatini tashkil etish joylari va logistika jihatlari ko‘rsatilgan. Rejada zo‘ravonlik harakatlarida xorijliklardan foydalanish ham ko‘zda tutilgan. Masalan, materiallarda Rossiya, Belarus, Serbiya va Chernogoriya fuqarolari uchun Moldovaga kirish qoidalari bo‘yicha ko‘rsatmalar mavjud”, — dedi Sandu.
Uning ta’kidlashicha, davlat xavfsizlik idoralari ushbu provokasiyalarning oldini olish va vaziyatni nazorat ostida ushlab turish ustida ishlamoqda.
Izoh (0)