APL. “Manchester Yunayted” safarda “Lids”dan ustun keldi va 2-o‘ringa ko‘tarilib oldi

Futbol bo‘yicha Angliya Premyer Ligasining 23-turida “Manchester Yunayted” 12-fevral, yakshanba kuni “Lids” maydonida mehmon bo‘ldi.

Uchrashuvning birinchi bo‘limida darvozalar daxlsiz qoldi. O‘yindagi birinchi to‘p 80-daqiqaga kelib kiritildi: Markus Reshford qanotdan uzatilgan to‘pni boshi bilan darvozaga joylab qo‘ydi.

Oradan besh daqiqa o‘tib Alexandro Garnacho mankunianlarning tezkor hujumini gol bilan yakunladi. Qolgan vaqtda hisob o‘zgarmadi.

Ushbu g‘alabadan keyin “Manchester Yunayted” ochkolarini 46 taga yetkazib olgan holda ikkinchi o‘ringa ko‘tarildi. Peshqadam “Arsenal” hisobida 51 ochko mavjud, uchinchi o‘rindagi “Manchester Siti”da 45 ochko bor. Har ikki jamoa ikkitadan zaxira o‘yiniga ega.

APL

23-tur bahsi

12-fevral, yakshanba

“Lids” — “Manchester Yunayted” 0:2

Gollar: 0:1 – 80 Reshford,  0:2 – 85 Garnacho.

“Lids”: Melye, Eyling, Veber, Kox, Firpo, Adams, Xarrison (Aaronson, 73), Makkenni (Grinvud, 86), Bemford (Ryutter, 58), Sammervill, Nionto.

“Manchester Yunayted”: De Xea, Diogu Dalot (Uan-Bissaka, 73), Maguayr, Shou, Malasia (Martines, 61), Zabitser, Fred, Brunu Fernandesh, Vegorst, Reshford (Elanga, 90+1), Sancho (Garnacho, 61).

Ogohlantirishlar: Firpo (18), Fred (21), Makkenni (40).