Qoraqalpog‘istondagi to‘yda kuyovjo‘ralar mushtlashdi (video)

Qoraqalpog‘istonning Amudaryo tumanidagi to‘yda yigitlar janjallashib ketdi. Respublika Ichki ishlar vazirligi holat yuzasidan ma’lumot berdi.

Qayd etilishicha, 8-fevral kuni soat 16:25 da Amudaryo tumani “Olmazor” mahallasidagi xotira maydonida gul qo‘yish marosimida kuyovjo‘ralar o‘rtasida ommaviy janjal yuzaga kelgan.

Hodisa xotira maydonidagi ikkita to‘y marosimi ishtirokchilari tomonidan sodir etilgan. Fuqaro J.U.ning to‘yiga kelgan do‘stlari fuqaro X.U.ning to‘yiga kelgan yigitlar bilan janjallashgan.

Voqea oqibatida hech kimga jiddiy tan jarohati yetmagan. Ayni vaqtda holat yuzasidan Amudaryo tuman ichki ishlar bo‘limi tomonidan tergovga qadar surishtiruv harakatlari olib borilmoqda.

Mavzuga doir:

• Sirdaryoda haydovchilar yo‘l talashib mushtlashdi
• Andijonda 3 opa-singil va ularga tanish bo‘lgan 2 qiz mushtlashdi