O‘zbekistonda yanvar oyida ulgurji iste’molchilar tomonidan 85 milliard so‘mlik tabiiy gazdan noqonuniy foydalanish holatlari aniqlandi. Bu haqda Energetika vazirligi axborot xizmati xabar berdi.
Qayd etilishicha, ishchi guruhlar tomonidan o‘tkazilgan nazorat tadbirlarida 614 ta holatda ulgurji iste’molchilar tomonidan 85 million kub/metr hajmdagi tabiiy gazdan noqonuniy foydalanish holatlari aniqlangan.
Gazdan noqonuniy foydalanish holatlari asosan Buxoro viloyatida 37,9 million kub/metrni (37,8 milliard so‘m), Qashqadaryoda 25,1 million kub/metrni (25 milliard so‘m), Toshkent viloyatida 13,2 million kub/metrni (13,2 milliard so‘m), Navoiyda 3,5 million kub/metrni (3,6 milliard so‘m), Farg‘onada 1,3 million kub/metrni (1,2 milliard so‘m) tashkil etgan.
Noqonuniy foydalanish holatlari iste’molchilar toifasi bo‘yicha — AGTKSHlarda 20 ta holatda (76,8 milliard so‘m), issiqxonalarda 30 ta (1,2 milliard so‘m), ishlab chiqarish korxonalarida 39 ta (1,9 milliard so‘m), umumiy ovqatlanish shoxobchalarida 164 ta (0,7 milliard so‘m) aniqlangan. Aniqlangan holatlar yuzasidan rasmiylashtirilgan hujjatlar huquqni muhofaza qiluvchi organlarga yuborildi.
Mavzuga doir: Toshkent viloyatida 3 ta issiqxona qariyb 90 mln so‘m zarar yetkazdi
Izoh (0)