Ayni vaqtda prezident Shavkat Mirziyoyev Yangi Andijon tumanida viloyat faollari va masʼullar ishtirokida videoselektor yigʻilishini oʻtkazmoqda. Bu haqda “Daryo” muxbiri xabar berdi.
Prezident joriy yilda kuzatilayotgan qish mavsumi haqida gapirib oʻtdi.
“Anchadan buyon bunday qish boʻlmagan edi. 30-40 yildan buyon bunday qishni koʻrmagandik, ”oʻtib ketadi, oʻtib ketadi“, deb yurdik. Bu yil haqiqiy qish qanaqa boʻlishini koʻrdik. Bu yil kuzatilgan muammolarni ilmiy jihatdan hal etishimiz zarur. Bugundan boshlab kelgusi yilgi qishga tayyorgarlik ishlari boshlanadi”, — dedi davlat rahbari.
Shavkat Mirziyoyeev Andijon viloyatida soʻnggi yillarda juda katta oʻzgarishlar boʻlganini alohida qayd etib oʻtdi.
“Uylar qurildi, odamlarning biri ikki boʻldi. Shu maʼnoda jamiyatning talablari ham oʻsib borayotganini koʻrib turibmiz va ishlarimizni ham shunga qarab tashkil qilishimiz zarur”, — dedi prezident.
Izoh (0)