Lionel Messi yetakchi, Mbappe — 2, Luka Modrich beshinchi o‘rinda. The Guardian talqiniga ko‘ra 2022-yilning eng yaxshi futbolchilari

Argentinalik futbolchi Lionel Messi The Guardian nashri talqiniga ko‘ra 2022-yilning eng yaxshi futbolchisi deb topildi.

2021-yilda Leo 2-o‘rinni egallagan edi. 

Yangilangan reytingning ikkinchi o‘rnidan “PSJ” va Fransiya terma jamoasi hujumchisi Kilian Mbappe, uchinchi o‘rindan “Real” vakili Karim Benzema joy egallagan. “Manchester Siti” hujumchisi Erling Holand va “Real”ning 37 yoshli yarim himoyachisi Luka Modrich kuchli beshlikni yakunlab bergan.

Shuningdek, top-10 likka Kevin de Bryuyne (6-o‘rin, “Manchester Siti”), Robert Levandovski (7-o‘rin, “Barselona”), Vinisius Junior, Tibo Kurtua (8 va 9-o‘rin, “Real”) hamda Muhammad Saloh (10-o‘rin, “Liverpul”) kiritilgan.