Ispaniya Kubogi yarim finaliga yo‘l olgan barcha jamoa nomi ma’lum bo‘ldi

Ispaniya Kubogining chorak finalidan o‘rin olgan barcha o‘yinlar yakunlandi.

Yarim final yo‘lida “Barselona” “Real Sosyedad”ni (1:0), “Osasuna” “Sevilya”ni (2:1), “Atletik” “Valensiya”ni (3:1), “Real” esa “Atletiko”ni (3:1) mag‘lub etishga erishdi.

Shu tariqa “Barselona”, “Osasuna”, “Atletik” va “Real” Ispaniya Kubogi yarim finalida qatnashadigan bo‘ldi.

Qayd etish kerak, “Real” to‘rt yil deganda ilk bor musobaqa yarim finaliga chiqdi.

Yarim final o‘yinlariga 30-yanvar kuni qur’a tashlanadi. Yarim finalning dastlabki uchrashuvlari 7—9-fevral kunlari, javob o‘yinlari esa 1—3-mart kunlari bo‘lib o‘tadi.